Post News Media ព័ត៌មានជាតិ ភ្ញាក់ផ្អើលទា...

ភ្ញាក់ផ្អើលទាំងយប់ ខណ:រថយន្តសាំយ៉ុង១៥កៅអី និងរថយន្តកូរ៉េដឹកស៊ីម៉ង់រូបអូដប្រលះគ្នាពេញទំហឹង សំណាងល្អគ្មានអ្នកស្លាប់

ស្ទឹងត្រែង: រថយន្តកូរ៉េដឹកស៊ីម៉ង់ធន់តូចមួយគ្រឿងបានប្រលះជាមួយរថយន្តសាំយ៉ុង១៥កៅអី ខណ:ពេលដែលបើកក្នុងល្បឿនលឿនបញ្រ្ចាស់ទិសគ្នា ហើយរថយន្តទាំងពីរបើកបត់ចូលទីរួមខេត្តដូចគ្នាបង្កឲ្យមានការភ្ញាក់ផ្អើលដល់ប្រជាពលរដ្ឋដែលរស់នៅក្បែរនោះទាំងយប់ ប៉ុន្តែសំណាងល្អគ្មានអ្នករងគ្រោះដល់អាយុជីវិតឡើយ។

ហេតុករណ៍នេះបានកើតឡើងលើកំណាត់ផ្លូវជាតិលេខ៧ ជិតគល់ស្ពានសេកុងកាលពីវេលាម៉ោង ៨ និង២០នាទីយប់ ថ្ងៃទី១២ ខែកញ្ញា ឆ្នាំ២០១៦ ស្ថិតក្នុងភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង។

អ្នកឃើញហេតុការណ៍បាននិយាយថា គេបានឃើញរថយន្តសាំយ៉ុងខាងលើបើកក្នុងល្បឿនលឿន ខណ:ពេលដែលមកដល់ចំណុចកើតហេតុស្រាប់តែមានរថយន្តកូរ៉េដឹកស៊ីម៉ង់រូបអូដធន់តូចមួយគ្រឿងទៀតបើកក្នុងល្បឿនលឿនដូចគ្នា ចុះពីស្ពានសេកុងពេលមកដល់ចំណុចកើតហេតុរថយន្តទាំងពីរបំរុងបត់ចូលទីរួមខេត្ត ស្រាប់តែវាក់អឺគ្នា មិនដឹងត្រូវគេចទៅណា បែរជាបួងចង្កូតរកគ្នាបណ្តាលឲ្យបុកគ្នាពេញទំហឹងតែម្តងទៅ។ ក្រោយកើតហេតុគេបានឃើញតៃកុងរថយន្តទាំងពីរនាំគ្នាឡើងជិះម៉ូតូឌុបទៅមន្ទីពេទ្យដើម្បីលាងរបួសរៀងខ្លួនៗភ្លាមៗផងដែរ។

ចំពោះរថយន្តដែលបានប្រលះគ្នាខាងលើទីមួយជាប្រភេទរថយន្តសាំយ៉ុង១៥កៅអី ពណ៌សរ ពាក់ស្លាកលេខភ្នំពេញ2AG-8035.ចំណែកឯរថយន្តដឹកស៊ីម៉ង់រូបអូត ជាប្រភេទរថយន្តកូរ៉េពណ៌ទឹកក្រូច ពាក់ស្លាកលេខតាកែវ3A-6263 ព្រមទាំងមានបិតផ្លាកយីហោ(ពន្លឺអង្គរ)ផងដែរ។ ក្រោយហេតុការណ៍ គេឃើញសមត្ថកិច្ចចុះវាស់វែងព្រមទាំងហៅរថយន្តស្ទូចមកស្ទូចយកទៅរក្សាទុកនៅស្នងការនគរបាលខេត្តភ្លាមៗផងដែរ៕

photo_2016-09-12_23-22-07

photo_2016-09-12_23-22-09

photo_2016-09-12_23-22-11

photo_2016-09-12_23-22-13

photo_2016-09-12_23-22-15

photo_2016-09-12_23-22-17

photo_2016-09-12_23-22-20

photo_2016-09-12_23-22-22

photo_2016-09-12_23-22-24

photo_2016-09-12_23-22-26

photo_2016-09-12_23-22-28

photo_2016-09-12_23-22-30

photo_2016-09-12_23-22-33

photo_2016-09-12_23-22-35

%e1%9f%8b%e1%9f%8b