ពោធិ៍សាត់: គ្រោះថ្នាក់ចរាចរណ៍មួយ បង្ករឡើងដោយរថយន្តម៉ាក ហ៊ីយ៉ាន់ដាយ មួយគ្រឿងបើកខ្វះការប្រុងប្រយត្ន័ទៅបុក​គូទរថយន្តមួយគ្រឿង​ទៀត​នៅខាងមុខបណ្តាលឲ្យក្រឡាប់ រួចរថយន្តបង្ករបានបន្តល្បឿនទៅបុករថយន្តហ៊ីយ៉ាន់ដាយមួយគ្រឿងទៀតនៅខាងមុខមួយគ្រឿងទៀតយ៉ាងពេញទំហឹង បណ្តាលឲ្យ​ព្រូរថយន្តបង្ករ រងរបួសធ្ងន់បាក់ជើងត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ ចំណែករថយន្តរងការខូចខាតផ្នែកក្បាលរថយន្តស្ទើរទាំងស្រុង ។

ហេតុការណ៍នេះបានកើតឡើងកាលពីវេលាម៉ោង៥និង១៥នាទី ព្រឹកថ្ងៃទី ១៤ ខែកញ្ញា ឆ្នាំ ២០១៦ ស្ថិតនៅចំណុចលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ ១៥៨-១៥៩ ក្នុងភូមិសារវន្ត័ ឃុំស្នាអន្សា ស្រុកក្រគរ ខេត្តពោធិ៍សាត់ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តហ៊ីយ៉ាន់ដាយ ៥តោនមួយគ្រឿង ពាក់ស្លាកលេខ ភ្នំពេញ 3B- 3951 បើកបរដោយ​បុរសម្នាក់ ក្នុងទិសស្របទិសគ្នាពីលិចទៅកើតទាំង៣គ្រឿង លុះបានមកដល់ចំណុចកើតហេតុខាង​​លើ ស្រាប់តែរថយន្តបង្ករម៉ាក ហ៊ីយ៉ាន់ដាយយ៥តោន បានបើកបុកចំពីក្រោយរថយន្តហ៊ីយ៉ាន់ដាយ៥តោនដែលកំពុងបើកបរនៅខាងមុខ បណ្តាលឲ្យរថយន្តនោះក្រឡាប់ ផ្ងើជើងឡើងលើ ចំណែករថយន្តបង្ករខាង​លើ បានបន្ត​ល្បឿនជ្រុលចង្កូតទៅមុខបុកជាមួយនិងរថយន្ត ម៉ាកហ៊ីយ៉ាន់ដាយ៥តោនដូចគ្នាមួយគ្រឿងទៀត ចំពីមុខខ្លួនយ៉ាងពេញទំហឹង បណ្តាលឲ្យរងរបួសព្រូ រថយន្តរងរបួសខ្លួន​បាក់ជើង ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តពោធិ៍សាត់ ។

ក្រោយពីហេតុការណ៍នេះបានកើតឡើង សមត្ថកិច្ចនគរបាលចរាចរណ៍មូលដ្ឋាន បានចុះមកធ្វើការពិនិត្យវាស់វែងដល់កន្លែងកើតហេតុ និងបាននាំយករថយន្តទាំង៣​គ្រឿងខាងលើ យកមករក្សាទុកដើម្បីរង់ចាំធ្វើការដោះស្រាយគ្នាពេលក្រោយតាមនីតិវិធីច្បាប់ ៕