ផ្ទះ ព័ត៌មានជាតិ បុរសម្នាក់ត្រ...

បុរសម្នាក់ត្រូវបានជំងឺរើឡើងបណ្តាលឲ្យប្រកាច់លង់ទឹកស្លាប់

0

កំពង់ឆ្នាំង: បុរសម្នាក់បានចុះទឹកទៅមើលបងដែលកំពុងនៅខាងក្រោមស្ពាន ស្រាប់តែអាការ:ជំងឺរើឡើង ប្រកាច់ចូលទឹក បណ្តាលឲ្យលង់ស្លាប់ នៅក្រោមស្ពាន ។ ហេតុការណ៍នេះបានកើតឡើងកាលពីវេលាម៉ោង ៣និង៣០នាទី រសៀលថ្ងៃទី១៨ ខែកញ្ញា ឆ្នាំ២០១៦ នៅចំណុចស្ពានអូរកណ្តោល ភូមិអូរកណ្តោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។ .

សមត្ថកិច្ចបានឲ្យដឹងថា ជនរងគ្រោះមានឈ្មោះ ឈួន ឆុន អាយុ៣៦ឆ្នាំ ស្នាក់ក្នុងនៅក្នុងភូមិឃុំខាងលើ ។

សមត្ថកិច្ចបានបន្ដទៀតថា នៅមុនពេលកើតហេតុ ជនរងគ្រោះ អ្នកភូមិជាមិត្តភក្កិ២ទៅ៣នាក់ បាននាំគ្នាទៅបង់សំណាញ់ នៅឆ្ងាយពីកន្លែងកើតហេតុ ពេលកំពុងបង់​សំណាញ់នោះ ជនរងគ្រោះបានប្រាប់មិត្តភក្កិ ដែលនៅបង់សំណាញ់ជាមួយគ្នាថា ទៅមើលបងក្រោម ស្ពានមួយភ្លែត ហើយក៏ទុកសំណាញ់ចោល នៅកន្លែងបង់​សំ​ណាញ់ នោះ រួចក៏ទៅមើលបងបាត់ទៅ។ ស្រាប់តែមួយសន្ទុះក្រោយមក បែជាបាត់មិនឃើញត្រឡប់មកវិញ ទើបមិត្តភក្កិមានការងឿងឆ្ងល់ ក៏នាំគ្នា ទៅមើលនៅ​ក្រោមស្ពាន ស្រាប់តែឃើញជើងជនរងគ្រោះអណ្ដែតទឹក ទើបនាំគ្នាចុះទៅស្រង់ ទើបដឹងថា ជនរងគ្រោះ បានលង់ទឹកដាច់ខ្យល់ស្លាប់បាត់ទៅហើយ ។

ប្រជាពល​រដ្ឋ​​នៅក្នុងភូមិនិងក្រុមគ្រួសារ បានឲ្យដឹងថា ជនរងគ្រោះមានជំងឺតេតាណូស ហើយឧស្សាហ៍ប្រកាច់ណាស់ ហើយការស្លាប់នេះ គេសង្ស័យថា ពេលចុះទឹកជំងឺនេះបានធ្វើទុក ទើបបណ្តាលឲ្យប្រកាច់លង់ទឹកស្លាប់តែម្តង ។

ក្រោយពីហេតុការណ៍នេះបានកើតឡើង សមត្ថកិច្ចនគរបាលមូលដ្ឋាន សហការជាមួយនិង នគរបាលជំនាញផ្នែកកោសល្យវិច្ឆ័យ ចុះមកធ្វើការពិនិត្យសាក​សពដល់​កន្លែង​កើតហេតុ បានឲ្យដឹងថា សាកសពជនរងគ្រោះពិតជាស្លាប់ដោយសារលង់ទឹកពិតប្រាកដមែន ហើយបច្ចុប្បន្នសាកសពជនរងគ្រោះ ត្រូវបានសមត្ថកិច្ចប្រគល់​សាកស​ព​ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕

លង់ទឹកស្លាប់

លង់ទឹកស្លាប់

លង់ទឹកស្លាប់

Loading...