ព័ត៌មានជាតិ

សមត្ថកិច្ចកម្ពុជាធ្វើការបណ្តេញជនជាតិចិនតៃវ៉ាន់និងចិនដីគោកជាង៦០នាក់ ទៅមាតុភូមិវិញ

ភ្នំពេញ: ជនជាតិចិនជាង៦០នាក់ ត្រូវបានកម្លាំងសមត្ថកិច្ចអន្តោប្រវេសន៍ក្រសួងមហាផ្ទៃ ធ្វើការបណ្តេញចេញតាមច្រកទ្វាអាកាសយាន​ដ្ឋានអន្តរ​ជាតិភ្នំពេញ ឆ្ពោះតាមជើងយន្តហោះរបស់ប្រទេសចិន ទៅកាន់មាតុភូមិវិញ នារសៀលថ្ងៃទី២០ ខែកញ្ញា ឆ្នាំ២០១៦នេះ ។

លោក ឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៏នីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃបានឲ្យដឹងថា ជនជាតិ​ចិនតៃ​វ៉ាន់ និងចិនដីគោក ដែលសមត្ថកិច្ចធ្វើការបណ្តេញចេញពីក្នុងប្រទេសកម្ពុជាខាងលើនេះ គឺធ្វើឡើង បន្ទាប់ពីជនអន្តោប្រវេសន៍ទាំង ៦៣នាក់ ក្នុងនោះមានស្រីចំនួន ៨នាក់ ត្រូវបានសមត្ថកិច្ចអន្តោប្រវេសន៍ប្រទេសកម្ពុជា ចុះធ្វើការបង្ក្រាបបានកាលពីល្ងាចថ្ងៃទី ៣០ ខែសីហា ២០១៦ នៅចំណុចខុនដូរមួយកន្លែង ដែលមានទីតាំង ស្ថិត​នៅ​​តាមបណ្តោយផ្លូវ សូនិច ក្នុងភូមិព្រែកជាងព្រំសង្កាត់វាលស្បូវ ខណ្ឌច្បារអំពៅ រាជធានីភ្នំពេញ កាលពីពេលកន្លងទៅនេះ ។ ដោយចោទប្រកាន់​ពីបទ​កំហែងទារ​ប្រាក់​តាមប្រពន្ធ័អ៊ីនធឺណេត រួមនឹងបន្តធ្វើការរឹបអូសវត្ថុតាងបានរួមមាន ឧបករណ៍សម្រាប់ប្រើប្រាស់ជាគ្រឿងអេឡិចត្រូនិច សម្រាប់ធ្វើសកម្មភាពកំហែងទារប្រាក់ មួយចំនួនធំ ផងដែរ ។

លោកបានបន្តថា រហូតមកទល់នឹងរសៀលថ្ងៃនេះ សមត្ថកិច្ចកម្ពុជា បានសហការជាមួយនឹងសមត្ថកិច្ចរបស់ប្រទេសចិន សម្រេចធ្វើការបណ្តេញជនអន្តោប្រវេសន៍ទាំង​៦៣នាក់ ទៅកាន់ប្រទេសរបស់ខ្លួនវិញ តាមជើងយន្តហោះរបស់ប្រទេសចិន ដើម្បីឆ្ពោះទៅមាតុភូមិរបស់ខ្លួនវិញ៕

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

មតិយោបល់