ខេត្តព្រះសីហនុ: នាវេលាម៉ោង១០ និង៤២នាទី ព្រឹកថ្ងៃទី២២ ខែកញ្ញា ឆ្នាំ២០១៦ នៅឃ្លាំងលើ ស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ មានប្រជាពលរដ្ឋប្រមាណជាង៤០នាក់ បានផ្ទុះការតវ៉ាទាមទារនិងបានបិទផ្លូវជាតិលេខ៤ ស្ថិតនៅចំនុចឃ្លាំងលើ។
បើយោងតាមប្រភពព័ត៌មានពីប្រជាពលរដ្ឋបានឲ្យដឹងថា មូលហេតុនៃការតវ៉ាបិទផ្លូវនេះបណ្តាលមកពីអាជ្ញាធរប្រើកម្លាំងបង្រ្កាបលើពួកគាត់ដែលចាប់ដីសង់យ៉ាងអាណាធិបតេយ្យនៅតំបន់ក្បាលឆាយ ស្ថិតនៅភូមិ១ សង្កាត់១ ក្រុងព្រះសីហនុ ខេត្តព្រះសីហនុ នាពេលកន្លងមក ។
បន្ទាប់ពីមានការតវ៉ាននេះរួចមក អជ្ញាធរក្រុងចុះបានដឹកនាំកម្លាំងចុះធ្វើការណែនាំអំពីច្បាប់ចរាចរណ៍ផ្លូវគោក មាត្រា៨០៖ ជនណារារាំងឬប្រើប្រាស់មធ្យោបាយណាមួយដើម្បីជាឧបសគ្គដល់ចរាចរណ៍ជាសាធារណ: ត្រូវផ្តន្ទាទោសដាក់ពន្ឋនាគារពី(មួយខែទៅមួយ)ឆ្នាំនិងពិន័យជាប្រាក់ពី ៨០០,០០០(ប្រាំបីសែន)រៀល ទៅ ៨,០០០,០០០(ប្រាំបីលាន)រៀល ។ ទើបក្រោយមក ប្រជាពលរដ្ឋខាងលើបាននាំគ្នារំសាយក្បូនកូដកម្មនេះចេញវិញនៅវេលាម៉ោង ១១និង០៥នាទី ថ្ងៃដដែល ៕
មតិយោបល់