ភ្នំពេញៈ កាលពីរសៀលថ្ងៃទី២៣ កញ្ញា តារាល្បីៗក្នុង Group «គ្រួសារតារាកម្ពុជា»យ៉ាងច្រើនកុះករ បានជួបជុំគ្នាញាំបាយជុំគ្នាសាមគ្គីនៅភោជនីយដ្ឋានមួយនៅមាត់ទន្លេម្ដុំព្រែកលាភ។

នេះជាការជួបជុំលើកដំបូង បន្ទាប់ពីតារាសិល្បៈនៅក្នុងក្រុមនេះ បានធ្វើព្រឹត្តិការណ៍ដើរលើកំរាលព្រំនៅបរិវេណសាកលវិទ្យាល័យន័រតុនកាលពីថ្ងៃទី១៧ កញ្ញា ដោយមានតារាល្បីៗមកពីសមាគមន៍របស់អ្នកនាងចន ច័ន្ទលក្ខិណា និងតារាជាច្រើនផ្សេងទៀតចូលរួមនោះ។ ក្នុងនោះក៏មានការជជែកពីគម្រោងធ្វើកម្មវិធីសប្បុរសធម៌មួយចំនួនផ្សេងទៀត ដើម្បីជាប្រយោជន៍ដល់អ្នកសិល្បៈ និងសង្គម។

នេះក៏ជាឱកាសជួយឲ្យតារាសិល្បៈដែលជ្រកក្រោមដំបូងតែមួយ បានស្និទ្ធស្នាលគ្នា និងបានបញ្ចេញស្នាមញញឹមរួមគ្នា។ ក្នុងនោះតារាភាគច្រើនក៏បានរាំច្រៀង និងបង្ហាញភាពរួសរាយរាក់ទាក់ដាក់គ្នា ដើម្បីពង្រឹងGroup ទាំងមូលនៅក្នុងឱកាសនេះផងដែរ៕