Post News Media ព័ត៌មានជាតិ ខៀវ សានសាណា រ...

ខៀវ សានសាណា រៀបការក្រោយភ្ជុំមួយសប្ដាហ៍

ភ្នំពេញ: នៅទីបំផុតពិធីការិនីល្បីឈ្មោះ អ្នកនាងខៀវ សានសាណា បានប្រកាសថ្ងៃរៀបការរបស់ខ្លួនជាផ្លូវការហើយ បើទោះជាអ្នកនាងប្រឹងលាក់យ៉ាងជិតឈឹងចាប់តាំងពីអ្នកនាងរៀបគម្រោងអាពាហ៍ពិពាហ៍។ មង្គលការរបស់អ្នកនាងក៏នឹងធ្វើឲ្យមានការភ្ញាក់ផ្អើលផងដែរនៅថ្ងៃទី៨ តុលា ខាងមុខ គឺបន្ទាប់ពីភ្ជុំមួយសប្ដាហ៍។

អ្នកនាងខៀវ សានសាណា បានថ្លែងប្រាប់Post News ថា អ្នកនាង និងបុរសជនជាតិអូស្រ្តាលីគឺលោក Seraj Satton នឹងរៀបមង្គលការនៅថ្ងៃទី៨ ខែតុលាខាងមុខនោះហើយ ដោយអ្នកសិល្ប:នឹងមានចំនួនតិចតួចប៉ុណ្ណោះ ដែលត្រូវបានអ្នកនាងអញ្ជើញជាភ្ញៀវ។ អ្នកនាងថាខ្លួនរៀបអាពាហ៍ពិពាហ៍ត្រឹមតែ២៥តុប៉ុណ្ណោះ តែនឹងធ្វើនៅក្នុងសណ្ឋាគារកម្រិតផ្កាយ៥ គឺ Le Royal ទើបការចំណាយជាក់ស្ដែងក៏មានកម្រិតខ្ពស់។

អ្នកនាងបញ្ជាក់ថា មង្គលការរបស់ខ្លួនមិនមានពិធីចូលរោង ឬសូត្រមន្តនៅផ្ទះដូចមង្គលការទូទៅនោះទេ ដោយសារតែអ្នកនាង និងអនាគតស្វាមី សុទ្ធតែធ្លាប់រៀបការរួចហើយ និងមិនចង់ធ្វើឡើងច្រើនថ្ងៃនាំឲ្យរំខានភ្ញៀវ។ អ្នកនាងនឹងរៀបការត្រឹមតែ១ថ្ងៃប៉ុណ្ណោះ គឺថ្ងៃទី៨ តុលា ដោយក្នុងថ្ងៃនោះគឺពេលព្រឹកមានពិធីហែរជំនូន កាត់សក់ និងពិធីចងដៃនៅក្នុងសណ្ឋាគារ Le Royal តែម្ដង។ អ្នកនាងបានទទូចសុំទោសចំពោះតារាសិល្ប: ដោយសារតែអ្នកនាងរៀបចំតិចតួច ហើយភាគច្រើនគឺអញ្ជើញអ្នកជំនួញដែលជាមិត្តជិតស្និទ្ធិរបស់អនាគតស្វាមី។ អ្នកនាងខៀវ សានសាណា ប្រាប់ថា លោក Seraj Satton ជានាយកគ្រប់គ្រងក្រុមហ៊ុនអចនទ្រព្យធំមួយនៅក្នុងប្រទេសកម្ពុជា និងជាបុរសពោះម៉ាយកូនមួយ៕

photo_2016-09-20_21-28-30

photo_2016-09-20_21-28-33

photo_2016-09-20_21-28-35

photo_2016-09-20_21-28-37

photo_2016-09-20_21-28-43

photo_2016-09-27_23-18-52

photo_2016-09-27_23-18-56

photo_2016-09-27_23-18-58

photo_2016-09-27_23-19-00

photo_2016-09-27_23-19-02

photo_2016-09-27_23-19-05

photo_2016-09-27_23-19-07

photo_2016-09-27_23-19-09