កំពត: តាមសេចក្តីរាយការណ៍បឋមបានឲ្យ Post News ដឹងថា នៅមុននេះបន្តិច មានក្មេងប្រុសស្រី២នាក់ បានលង់ទឹកអណ្ដូងស្លាប់ជាបន្តបន្ទាប់នៅឃុំអណ្ដូងខ្មែរ ស្រុកទឹកឈូ ខេត្តកំពត។

សេចក្តីរាយការណ៍បានបញ្ជាក់ថា មុនពេលកើតហេតុបងប្អូន២នាក់ខាងលើ បានទៅបោកខោអាវនៅក្បែរមាត់អណ្ដូង ហើយប្អូនបានធ្លាក់ដាក់ក្បាលចូលក្នុងអណ្ដូង ហើយខណ:នោះបងស្រីឃើញចុះទៅជួយ បណ្ដាលឲ្យលង់ស្លាប់ទាំងពីរនាក់តែម្ដង។

សមត្ថកិច្ចបានឲ្យដឹងថា ក្មេងរងគ្រោះទី១.ឈ្មោះ សួន ស្រីលាភ ភេទស្រី អាយុ១១ឆ្នាំ និងឈ្មោះសួន ចម្រុង ភេទប្រុស អាយុ៧ឆ្នាំ។ រីឯអ្នកម្តាយឈ្មោះសោម ស្រីវីន។

ពេលនេះសមត្ថកិច្ច និងក្រុមគ្រួសារកំពុងស្រង់យកសាកសពចេញពីអណ្ដូងដើម្បីធ្វើបុណ្យតាមប្រពៃណី៕