ផ្ទះ ព័ត៌មានជាតិ កាំកុងត្រូលខេ...

កាំកុងត្រូលខេត្តប៉ៃលិន បន្តចុះពិនិត្យទំនិញហួសសុពលភាព យ៉ាងសកម្ម ក្នុងឱកាសបុណ្យភ្ជុំ

0

ប៉ៃលិន: នាព្រឹកថ្ងៃទី២៩ ខែកញ្ញា ឆ្នាំ២០១៦ សាខាកាំកុងត្រូលខេត្តប៉ៃលិន សហការជាមួយមន្ទីរពាណិជ្ជកម្មខេត្តប៉ៃលិន បានបន្តចុះត្រួតពិនិត្យទំនិញហួសសុពលភាពយ៉ាងសកម្ម ដែលដាក់តាំងលក់តាមតូប គេហដ្ឋាន ស្ថិតនៅភូមិឌិននៀវ ភូមិប៉ាហ៊ី និងនៅផ្សាប៉ាហ៊ី សង្កាត់ប៉ៃលិន ក្រុងប៉ៃលិន ខេត្តប៉ៃលិន។

លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបៃលិន បានឲ្យដឹងថា ការចុះត្រួតពិនិត្យមើលនូវ ទំនិញហួសសុពលភាពទាំងនោះ គឺមានគោលបំណងដើម្បីរកទំនិញដែលខូចគុណភាព ហួសកាលកំណត់ប្រើប្រាស់ មិនមានស្លាកសញ្ញាត្រឹមត្រូវ ពុំមានសំបកវេចខ្ចប់ត្រឹមត្រូវ ទំនិញមិនមានច្បាប់អនុញ្ញាត ដើម្បីធ្វើការដកហូតយកទៅកម្ទេចចោល ក្នុងន័យថែរក្សាសុខភាពរបស់បងប្អូនប្រជាពលរដ្ឋទាំងអស់ ជាពិសេស ក្នុងខេត្តប៉ៃលិន។

លោកបានបន្តថា បងប្អូនប្រជាពលរដ្ឋ ដែលមិនបានយល់ដឹងពីការមើលទំនិញហួសសុពលភាព និងខូចគុណភាព ជាពិសេសទំនិញដែលនាំពីក្រៅប្រទេសឫក្នុងស្រុក ដូច្នេះហើយ លោកសូមអំពាវនាវ ដល់បងប្អូនប្រជាពលរដ្ឋ ត្រូវចូលរួមនឹងសហការជាមួយមន្ត្រីជំនាញសាខាកាំកុងត្រូលឲ្យជាប់ជានិច្ច ដើម្បីឲ្យមន្ត្រីជំនាញធ្វើការពន្យល់ណែនាំឲ្យបានយល់កាន់តែច្បាស់ ជៀសវាងយកទំនិញណា ដែលហួសកាលកំណត់ និងខូចគុណភាពដែលបណ្តាលឲ្យប៉ះពាល់ដល់សុខភាពផងដែរ។
លោកប្រធានសាខាកាំកុងត្រូលខេត្ត ក៏បានធ្វើការពន្យល់ណែនាំដល់អាជីវករទាំងអស់កុំឲ្យយកទំនិញដែលខូចគុណភាព ទំនិញដែលមិនមានច្បាប់អនុញ្ញាត ឬទំនិញដែលមិនមានស្លាកសញ្ញាត្រឹមត្រូវ និងជាពិសេសទឹកខ្មេះ រូបទន្សាយ ដែលទំនិញទាំងនេះ គឺធ្វើឲ្យប៉ះពាលសុខភាពយ៉ាងធ្ងន់ធ្ងរ។

ក្នុងឱកាសនោះដែរ លោក សូមធ្វើការអំពាវនាវ ដល់បងប្អូនអាជីវករទាំងអស់ មុននឹងទិញទំនិញយកមកដាក់តាំងលក់ត្រូវពិនិត្យមើលកាលបរិច្ឆេទផលិត និងក្រុមហ៊ុនឲ្យបានច្បាស់លាស់ដើម្បីជៀសវាង ពេលសមត្ថកិច្ចកាំកុងត្រូលចុះពិនិត្យឃើញហួសកំណត់ដកហូតដែលនាំឲ្យខាតបង់ពេលវេលា និងប្រាក់កាក់គ្រួសារ ដូច្នេះ ត្រូវយកចិត្តទុកសំអាតនិងដាក់ថែទាំជារៀងរាល់ថ្ងៃឲ្យបានល្អ។

ក្នុងការចុះត្រួតពិនិត្យនេះ សមត្ថកិច្ចកាំកុងត្រូលបានរកឃើញនូវទំនិញហួសសុពលភាព និងហួលកាលបរិច្ឆេទកំណត់ រួមមាន ៖ ទឹកខ្មេះរូបទន្សាយ០៦ដប ទឹកក្រូច៤៩ដប មីកំប៉ុង១៨កំប៉ុង នំស្រួយលីលី១៧កញ្ចប់ រ៉តឌី ៧៩កញ្ជប់។ មន្ដ្រីកាំកុងត្រូលក៏បានធ្វើកំណត់ហេតុ ដកហូតទំនិញទាំងនោះ ព្រមទាំងឲ្យម្ចាស់ទំនិញផ្ដិតមេដៃទទួលស្គាល់ពិត ទំនិញរបស់ខ្លួនខូចគុណភាពផងដែរ៕

14456661_1744639769131518_428964742_o

14466484_1744639725798189_1138505951_o

14466951_1744639729131522_1466297227_o

14467039_1744639739131521_1278913486_o

14488991_1744639735798188_1310736639_o

14489725_1744639765798185_152973583_o

14489787_1744639755798186_1607239871_o

14513547_1744639759131519_898381137_o

14522094_1744639745798187_1640443870_o

14522348_1744639772464851_806005842_o

14522468_1744639762464852_765148942_o

14522505_1744639732464855_1806241950_o

14522535_1744639749131520_81663838_o

14536549_1744639742464854_863125341_o

Loading...