ភ្នំពេញៈ ប្រជាពលរដ្ឋប្រទះឃើញសពអណ្តែតទឹកក្នុងវាលស្រែ សង្ស័យថា ករណីប្លន់យកទ្រព្យសម្បត្តិ។ ហេតុការណ៍បង្កការភ្ញាក់ផ្អើលនេះ កើតឡើងនៅផ្លូវ៣០ម៉ែត្រ ក្នុងភូមិទីទុយ សង្កាត់ព្រៃស ខណ្ឌដង្កោ រាជធានីភ្នំពេញ កាលពីព្រឹកម៉ោង៦៖៣០នាទី ព្រឹកថ្ងៃទី៣ ខែតុលា ឆ្នាំ២០១៦។

បើតាមប្រជាពលរដ្ឋចោមរោមមើលសាកសព បានខ្សឹបគ្នាថា ជនរងគ្រោះដែលបានស្លាប់បាត់បង់ជីវិត សង្ស័យត្រូវគេប្លន់យកម៉ូតូ ដោយគ្មានអ្នកភូមិស្គាល់អត្តសញ្ញាណឡើយ។

បច្ចុប្បន្ន លោកអធិការនរគបាលខណ្ឌដង្កោ បានមកដល់ចំណុចកើតហេតុ រង់ចាំខាងជំនាញកោសល្យវិច្ច័យនៃស្នងការដ្ឋាននរគបាលរាជធានីភ្នំពេញ ដើម្បីធ្វើការសន្និដ្ឋានជាករណីអ្វីមួយឲ្យជាក់លាក់៕