Post News Media ព័ត៌មានបច្ចេកវិទ្យា ឥណ្ឌា លុបចោល​...

ឥណ្ឌា លុបចោល​ការហាមឃាត់ Galaxy Note 7 ពេលហោះហើរ

ឥណ្ឌា: អគ្គនាយកដ្ឋានអាកាសចរស៊ីវិល​ឥណ្ឌា (DGCA) នៅថ្ងៃនេះ បានប្រកាសដកបំរាម ដែលបានបញ្ជាឲ្យ​ជើង​ហោះហើរទាំងអស់ ហាមឃាត់ការនាំយកស្មាតហ្វូន Galaxy Note 7 របស់ក្រុមហ៊ុន Samsung បន្ទាប់ពី​ក្រុមហ៊ុនមួយនេះ បានធ្វើការប្ដូរថ្មីជួនដល់អតិថិជន។

DGCA បានចេញសេចក្ដីព្រមាន និងហាមឃាត់ដល់ក្រុមហ៊ុនហោះហើរទាំងអស់​ឲ្យ​ធ្វើការហាត់​ឃាត់នូវការនាំយកស្មាតហ្វូន Galaxy Note 7 ចាប់តាំងពីថ្ងៃទី០៩ ខែកញ្ញា បន្ទាប់ពី​ទទួលបានព័ត៌មាន​ថា Galaxy Note 7 បានផ្ទុះឆេះខណ:ពេលកំពុងសាកថ្ម​ជាច្រើនករណីនៅជុំវិញពិភពលោក។

ថ្មីៗនេះ ស្មាតហ្វូន Galaxy Note 2 មួយគ្រឿងបានផ្ទុះឆេះនៅលើយន្តហោះ ក្នុងជើងហោះហើររបស់​ក្រុមហ៊ុន​IndiGo ពីសិង្ហបុរី មកកាន់ប្រទេសឥណ្ឌា។

គួរបញ្ជាក់ផងដែរថា Galaxy Note 7 បានចាប់ផ្ដើមមានបញ្ហាផ្ទុះឆេះនៅដើមខែកញ្ញា ហើយមកដល់​ពេលនេះ ក្រុមហ៊ុន Samsung បានប្ដូរថ្មីជូនអតិថិជននៅជុំវិញពិភពលោក៕

samsung-electronics-galaxy-note-7