ស្វាយរៀងៈ ជនសង្ស័យចំនួន២នាក់ ដែលជាមុខសញ្ញាជួញដូរគ្រឿងញៀនខុសច្បាប់ ត្រូវបានសមត្ថកិច្ចនគរបាលស្រុកចន្ទ្រាធ្វើការចាប់ឃាត់ខ្លួន បន្ទាប់ពីសមត្ថកិច្ចត្រួតពិនិត្យរកឃើញមានថ្នាំញៀននៅជាប់នឹងខ្លួនរបស់ជនសង្ស័យ ។ ការចាប់ឃាត់ខ្លួននេះបានធ្វើឡើងកាលពីវេលាម៉ោង១០និង៤៥នាទី ថ្ងៃទី៥ ខែតុលា ឆ្នាំ២០១៦ ស្ថិតនៅចំណុចភូមិតាដេវ ឃុំមេសថ្ងក ស្រុកចន្ទ្រា ខេត្តស្វាយរៀង។
សមត្ថកិច្ចបានឲ្យដឹងថា ជនសង្ស័យដែលចាប់ខ្លួនបានខាងលើនេះទី១ឈ្មោះ សៅ រដ្ឋា ហៅណៃ ភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅភូមិច្រកឫស្សី សង្កាត់បាទី ក្រុងបាវិត។ និងជនសង្ស័យទី២ឈ្មោះ ថៃ វិចិត្រ ហៅថុង ភេទប្រុសអាយុ១៧ឆ្នាំ មុខរបរមិនពិតប្រាកដ រស់នៅភូមិត្រពាំងផ្លុង សង្កាត់បាទី ក្រុងបាវិត។
ក្នុងនោះដែរ វត្ថុតាងដែលសមត្ថកិច្ចដកហូតវត្ថុតាងរួមមាន ម៉ូតូ១គ្រឿង ,ទូរស័ព្ទដៃ០២គ្រឿង ,កាបូបលុយ០១, សំបកដែកកេះក្រូម៉េ០៣ និងម្សៅក្រាមម៉ាទឹកកក០១កញ្ចប់តូច។
បច្ចុប្បន្នជនសង្ស័យទាំង០២នាក់ត្រូវកម្លាំងសមត្ថកិច្ចធ្វើការឃុំខ្លួនបណ្តោះអាសន្ន និងកសាងសំណុំរឿងបញ្ជូនខ្លួនទៅកាន់តុលាការចាត់ការតាមច្បាប់ ៕
មតិយោបល់