ស្លាប់ និងរបួសធ្ងន់ស្រាល១៣នាក់ គ្រោះថ្នាក់ចរាចរណ៍ថ្ងៃទី៦ ខែតុលា

ភ្នំពេញៈ ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ៧លើក ( យប់ ១លើក ) បណ្តាលឲ្យមនុស្សស្លាប់ ១នាក់ ( ប្រុស ) រងរបួសធ្ងន់ ៩នាក់ ( ស្រី ២នាក់ ) និងរងរបួសស្រាល ៣នាក់ ( ប្រុស ) ។ របាយការណ៍នេះ គិតចាប់ពីវេលាម៉ោង ២រសៀល ថ្ងៃទី៥ ខែតុលា ដល់វេលាម៉ោង ២រសៀល ថ្ងៃទី៦ ខែតុលា ឆ្នាំ២០១៦។

របាយការណ៍ បានឲ្យដឹងទៀតថា នៅក្នុងហេតុការណ៍គ្រោះថ្នាក់ចរាចរណ៍ទាំង ៧លើកនេះ បណ្តាល ឲ្យខូចខាតយានយន្ត សរុប ចំនួន ១២គ្រឿង រួមមាន ម៉ូតូ ចំនួន ៨គ្រឿង រថយន្តធុនតូច ចំនួន ៣គ្រឿង រថយន្តធុនធំ ចំនួន ១គ្រឿង និងអ្នកថ្មើរជើង ១នាក់ ។

របាយការណ៍ បន្តឲ្យដឹងថា មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍ រួមមាន ល្មើសល្បឿន ២លើក ( ស្លាប់ ១នាក់ ) , មិនប្រកាន់ស្តាំ ២លើក , ស្រវឹង ១លើក , បត់គ្រោះថ្នាក់ ១លើក , និងគោរពសិទ្ធិ ១លើក ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៩នាក់ ( ថ្ងៃ ) ។ គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន ៣លើក ផ្លូវខេត្ត-ក្រុង ចំនួន ២លើក និងផ្លូវលំ ចំនួន ២លើក ដោយឡែកយានយន្តដែលបង្កហេតុ រួមមាន ម៉ូតូ ៤លើក រថយន្តធុនតូច ២លើក និងរថយន្តធុនធំ ១លើក។

របាយការណ៍ ដដែល បន្តទៀតឲ្យដឹងថា ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តបន្ទាយមានជ័យ ២លើក ស្លាប់ ១នាក់ របួស ៤នាក់ និងខេត្តរតនគីរី ២លើក របួស ២នាក់។ ដោយឡែកយោងតាមរបាយការណ៍គ្រោះថ្នាក់ចរាចរណ៍រយះពេល ៦ថ្ងៃ គិតចាប់ពីថ្ងៃទី១ ដល់ថ្ងៃទី៦ ខែតុលា ឆ្នាំ២០១៦ កើតឡើង ចំនួន ៧០លើក បណ្តាលឲ្យមនុស្សស្លាប់ ចំនួន ២៤នាក់ របួសសរុប ចំនួន ១៦៧នាក់ ក្នុងនោះរបួសធ្ងន់ ១០៦នាក់ និងរងរបួសស្រាល ចំនួន ៦១នាក់ ។

របាយការណ៍ ដដែលបានបន្ថែមទៀតថា លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន ៣.២២១គ្រឿង ក្នុងនោះបានធ្វើការអប់រំចំនួន ១.០៤០គ្រឿង និងពិន័យសរុប ចំនួន ២.១៨១គ្រឿង។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ ចេញផ្សាយ នាថ្ងៃទី៦ ខែតុលា ឆ្នាំ២០១៦នេះ៕