ភ្នំពេញ: ដោយសារភាពជឿជាក់ និងអំណត់ បុរសម្នាក់ បានសម្រេចបំណងរបស់ខ្លួន ក្នុងរយ:ពេលប្រមាណ៤ទៅ៥ខែ ដើម្បីបានឈ្នះរង្វាន់ធំជាទឹកប្រាក់ចំនួន៦ម៉ឺនដុល្លារអាមេរិក។ យ៉ាងណា គាត់បញ្ជាក់ថា ក៏បានចំណាយអស់ទឹកប្រាក់ច្រើនគួរសមផងដែរ ក្នុងការផ្សងសំណាងដើម្បីឈ្នះរង្វាន់នេះ។

ក្នុងឱកាស ក្រុមហ៊ុន សែលកាត យករង្វាន់ទៅប្រគល់ដល់លំនៅដ្ឋានក្នុងសង្កាត់ចោមចៅ កាលពីថ្ងៃទី៦ ខែតុលា ឆ្នាំ២០១៦ លោក ជួន តារ៉ា បានប្រាប់អ្នកសារព័ត៌មានថា គាត់បានចូលរួមផ្សងសំណាង ដើម្បីឈ្នះទឹកប្រាក់ខ្ទង់ម៉ឺន ក្នុងកម្មវីធីឈ្នះលុយសុទ្ធ១ម៉ឺនដុល្លារ របស់សែលកាត អស់រយ:ពេលប្រមាណជា៤-៥ខែមកហើយ។ លោកបញ្ជាក់ថា ជាធម្មតាលោកតែងតែចំណាយទឹកប្រាក់ប្រមាណពី៣ទៅ៥ដុល្លារ ក្នុងមួយថ្ងៃ ដើម្បីផ្សងសំណាង។

បុរសជាអាជីវកររូបនេះ បញ្ជាក់បន្ថែមថា នៅថ្ងៃទី២៩ ខែកញ្ញា ឆ្នាំ២០១៦ ខ្លួនបានទូរស័ព្ទទៅកាន់លេខ ៨៨៨៨ ចំនួន៣៣ដង ដែលលោកត្រូវចំណាយទឹកប្រាក់ប្រមាណ៥ដុល្លារ ហើយនៅព្រលប់ថ្ងៃដដែលនោះ ក៏មានអតិថិជនសែលកាត ទូរស័ព្ទប្រាប់ថា ប្អូនមានសំណាងណាស់ដែលបានឈ្នះរង្វាន់ទឹកប្រាក់៦ម៉ឺនដុល្លារ។ លោកនឹងយកទឹកប្រាក់ទាំងនេះ ទៅផ្គត់ផ្គង់ជីវភាពគ្រួសារ និងពង្រីកអាជីវកម្មរបស់ខ្លួន។ លោក តារ៉ា បញ្ជាក់។

គួរជម្រាបថា កម្មវិធីឈ្នះលុយសុទ្ធ១ម៉ឺនដុល្លារ បានផ្ដល់ឱកាសដល់អតិថិជនសែលកាត ឈ្នះជាទឹកប្រាក់ចំនួន១ម៉ឺនដុល្លារ ជារៀងរាល់ថ្ងៃ ដោយអតិថិជនគ្រាន់តែទូរស័ព្ទ ឬផ្ញើសារ “10K” ទៅកាន់លេខ ៨៨៨៨ ដើម្បីទទួលបានលេខកូដសំណាងទាំង៦ខ្ទង់។ ការចាប់រង្វាន់ នឹងមានផ្សាយផ្ទាល់នៅលើទំព័រហ្វេសប៊ុករបស់សែលកាត //www.facebook.com/CellcardFanPage/ ឬតាមកញ្ចក់ទូរទស្សន៍ MyTV នាវេលាម៉ោង៦ល្ងាច ជារៀងរាល់ថ្ងៃ ហើយសែលកាត នឹងទាក់ទងអ្នកឈ្នះតាមរយ: ០៧៧ ៩៩៩ ១៩៧៕