រតនគិរីៈ ទីតាំងស្ដុកឈើមួយកន្លែងស្ថិតនៅភូមិសើង ឃុំសើង ស្រុកបកែវ ខេត្តរតនគិរី នៅវេលាម៉ោង១១៖៣០នាទីថ្ងៃទី៨ ខែតុលា ឆ្នាំ២០១៦នេះ ត្រូវបានកម្លាំងកងរាជអាវុធលើផ្ទៃប្រទេសសហការជាមួយកម្លាំងបរិស្ថាន និងកម្លាំងរដ្ឋបាលព្រៃឈើស្រុកបកែវ ចុះបង្ក្រាប និងធ្វើការរឹបអូស។

ក្នុងប្រតិបត្តិការចុះបង្ក្រាប និងរឹបអូសឈើជាច្រើនដុំខាងលើនេះ ដោយមានការសម្របសម្រួលពីលោក ម៉ម វណ្ណដា ព្រះរាជអាជ្ញារងអមសាលាដំបូងខេត្ត។

ក្រោយពីធ្វើការរឹបអូសឈើប្រភេទធ្នង់ជាច្រើនដុំខាងលើនោះហើយ បច្ចុប្បន្នត្រូវបានកម្លាំងកងរាជអាវុធលើផ្ទៃប្រទេស បានធ្វើការប្រគល់ជូនទៅឲ្យជំនាញរដ្ឋបាលព្រៃឈើបកែវ ដើម្បីរៀបចំចងក្រងឯកសារចាត់ការបន្តតាមនិតិវិធីច្បាប់៕

https://youtu.be/4bbLeae8Hws