ព័ត៌មានជាតិ

កម្លាំងចម្រុះក្រុងពោធិ៍សាត់ ឃាត់ខ្លួនជនសង្ស័យ៣នាក់ ពាក់ព័ន្ធករណីចែកចាយ និងប្រើប្រាស់គ្រឿងញៀន

ពោធិ៍សាត់: កម្លាំងមូលដ្ឋានកងរាជអាវុធហត្ថក្រុងពោធិ៍សាត់ សហការជាមួយកម្លាំងអធិការនគរបាលក្រុងពោធិ៍សាត់ បានឃាត់ខ្លួនជនសង្ស័យ៣នាក់ ពាក់ព័ន្ធរក្សាទុក និងចែកចាយគ្រឿងញៀន។

ករណីឃាត់ខ្លួននេះ ធ្វើឡើងនៅវេលាម៉ោង២និង៣០នាទីរសៀលថ្ងៃទី០៧ ខែតុលា ឆ្នាំ២០១៦ ស្ថិតនៅ ភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។

លោកអនុសេនីយ៍ឯក គង់ សុខុម មន្ត្រីកងរាជអាវុធហត្ថខេត្តពោធិ៍សាត់ បានបានឱ្យដឹងថា ជនសង្ស័យទី១.ឈ្មោះ ស៊ី វនយូណា ភេទប្រុស អាយុ២៣ឆ្នាំ ជនជាតិខ្មែរ រស់នៅភូមិ ពាលពាក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។ ទី២.ឈ្មោះ គឹម ឆាយ ភេទប្រុស អាយុ២៦ឆ្នាំ ជនជាតិខ្មែរ រស់នៅភូមិពាលញែក សង្កាត់ផ្ទះព្រៃ ក្រុងពោធិ៍សាត់ ខេត្ត ពោធិ៍សាត់។ ទី៣.ឈ្មោះ ជា ដាលិ ភេទប្រុស អាយុ២៥ឆ្នាំ ជនជាតិខ្មែរឥស្លាម រស់នៅភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។

មន្ត្រីរាជអាវុធហត្ថបានបញ្ជាក់ថា ការឃាត់ខ្លួននេះ គឺធ្វើឡើងតាមដីកាបង្គាប់ លេខ ១៦.២៤ ស.ស ប្រក.១៦ របស់ព្រះរាជអាជ្ញាអមសាលាដំបូងខេត្តពោធិ៍សាត់ ដោយធ្វើការឆែកឆេរផ្ទះជនសង្ស័យឈ្មោះ ជា ដាលិ ភេទប្រុស អាយុ២៥ឆ្នាំ ជនជាតិខ្មែរឥស្លាម រស់នៅភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។

ក្នុងប្រតិបត្តិការនោះដែរ កម្លាំអអាវុធហត្ថ ក៏បានធ្វើការដកហូតវត្ថុតាងមួយចំនួន រួមមាន ៖ -ថ្នាំញៀនពណ៌សថ្លា(ប្រភេទម៉ាទឹកកក) ៦កញ្ចប់ -រថយន្ត១គ្រឿង -ម៉ូតូ២គ្រឿង -ទូរស័ព្ទចំនួន០៤គ្រឿង -ជញ្ជីងចំនួន០៤គ្រឿង -លុយខ្មែរចំនួន ៤៣០០០០០រៀល (បួនលានសាមសិបម៉ឺនរៀល)។

បច្ចុប្បន្នកម្លាំងជំនាញរាជអាវុធហត្ថក្រុងពោធិ៍សាត់ បានកសាងសំណុំរឿងបញ្ជូនជនសង្ស័យ និងវត្ថុតាង ទៅបញ្ជាការដ្ឋានកងរាជអាវុធហត្ថខេត្តពោធិ៍សាត់ ដើម្បីចាត់ការបន្តតាមនីតិវិធី៕

photo_2016-10-08_15-21-23

photo_2016-10-08_15-21-18

photo_2016-10-08_15-21-20

photo_2016-10-08_15-21-22

មតិយោបល់