ភ្នំពេញៈ មុននេះ១៥នាទី អគ្គិសនីកម្ពុជា ជូនដំណឹងថា នៅថ្ងៃទី៩ ខែតុលា ឆ្នាំ២០១៦ នាវេលាម៉ោង១២៖៤៧នាទីថ្ងៃត្រង់ អគ្គិសនីកម្ពុជា ធ្វើការផ្អាកការផ្គត់ផ្គង់ចរន្តអគ្គិសនីពីអនុស្ថានីយទី៤ (GS4-F13-F27) ដែលបណ្តាលឲ្យដាច់ចរន្តនៅតំបន់មួយចំនួន ស្ថិតនៅ (១)នៅតាមបណ្តោយផ្លូវចំការដូង ចាប់ពីស្ថានីយវិទ្យុ ABC ភូមិព្រែកថ្លឹង សង្កាត់ជើងឯក រហូតដល់ស្ពានដែកចំការដូង សង្កាត់ដង្កោ និងភូមិល្វាសង្កាត់ព្រៃស ខណ្ឌដង្កោ (២) សង្កាត់ស្ទឹងមានជ័យ ខណ្ឌមានជ័យ (៣) ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

អគ្គិសនីកម្ពុជា បញ្ជាក់មូលហេតុថា ដើម្បីឲ្យក្រុមការងារបច្ចេកទេសធ្វើការរំកិលបង្គោលបណ្តាញតង់ស្យុងធម្យម (MV) ។ អតិថិជននឹងមានចរន្តប្រើប្រាស់ឡើងវិញនៅម៉ោង២៖០០នាទីរសៀល៕