កណ្ដាលៈ នៅព្រឹកថ្ងៃទី១៦ ខែ តុលា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញមកសំណេះសំណាល ជាមួយប្រជាពលរដ្ឋ ពុទ្ឋបរិស័ទ និងសិស្សានុសិស្ស ស្ថិតក្នុងវត្តព្រឥន្ទសាមគ្គីធម៌ ស្ថិតនៅក្នុងភូមិត្រពាំងក្រពើ ឃុំក្រាំងម្កាក់ ស្រុកអង្គស្នួួលខេត្តកណ្តាល។

វត្តនេះ មានព្រះសង្ឃចំនួន ១៣០អង្គ រួមទាំងមានសិស្សានុសិស្សរៀននៅទីនេះផងដែរ ប៉ុន្តែសាលារៀនេះ ស្ថិតនៅក្រៅប្រព័ន្ឋអប់រំ ។

ដោយមើលឃើញពីភាពខ្វះខាត នូវហេដ្ឋារចនាសម្ព័ន្ឋ បម្រើនៅទីនេះទាំងផ្នែកពុទ្ឋចក្រ និងអាណាចក្រនោះ សម្តេចតេជោ ហ៊ុន សែន និងសប្បុរសជន បានសម្រេចផ្តល់អំណោយមួយចំនួននៅទីនេះ ក្នុងនោះរួមមាន អាគារសិក្សា១ខ្នង កំពស់៣ជាន់ ស្មើនឹង១៨ បន្ទប់ កសាងព្រះវិហារ១ កសាងផ្លូវបេតុង១ខ្សែ១៣គីឡូម៉ែត្រ ពីផ្លូវជាតិលេខ៤ មកផ្លូវជាតិលេខ៣ កាត់តាមផ្សារបែកចាន ស្រុកអង្គស្នួល ខេត្តកណ្តាល បង្ហើយអាគារស្នាក់នៅរបស់សិស្ស១ខ្នង កែលំអរអាគារធម្មសភា១ខ្នង ជួយសង់ថ្លៃស្រះទឹកដែលព្រះសង្ឃជំពាក់ ចំនួន១មុឺនដុល្លា រៀបចំប្រព័ន្ធលូក្នុងវត្តនេះ បង្កើតវិទ្យាល័យនៅទីនេះ និងសមាហរណកម្មសាលារៀននេះ ឲ្យស្ថិតនៅក្នុងក្រសួងអប់រំ និងបញ្ចូលគ្រូបង្រៀនទាំងអស់មានក្របខ័ណ្្ឌ ច្បាស់លាស់ ៕