ភ្នំពេញៈ ដើម្បីអនាគតខ្លួនឯងបានរុងរឿង យើងត្រូវតែខិតខំរៀនសូត្រឲ្យក្លាយជាសិស្សពូកែ មិនត្រូវគេចវេសចោលការរៀនសូត្រ ហើយបែរងាកទៅរកបក្ខពួកដែលមិនល្អដូចជាបងតូចបងធំនាំឲ្យវិនាសខ្លួនឯង។
លោកគួច ចំរើន អភិបាលនៃគណៈអភិបាលខណ្ឌដូនពេញបានមានប្រសាសន៍ដូច្នេះ ខណៈដែលលោកបានអញ្ជើញចូលរួមជាអធិបតី ក្នុងពិធីបើកបវេសនកាលនៅវេលាម៉ោង ៧និង៣០នាទីព្រឹក ថ្ងៃទី១ ខែវិច្ឆិកា ឆ្នាំ២០១៦ ក្នុងឆ្នាំសិក្សា២០១៦-២០១៧ នៅវិទ្យាល័យ ប៊ុន រ៉ានី ហ៊ុនសែន វត្តភ្នំ។
ជាកិច្ចចាប់ផ្តើម លោកអភិបាលខណ្ឌបានអានសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងឱកាសបើកបវេសនកាលឆ្នាំថ្មីនេះផងដែរ និងបានធ្វើការសំណេះសំណាលជាមួយលោកគ្រូ អ្នកគ្រូ និងសិស្សានុសិស្សទាំងអស់ ព្រមទាំងបានចែករង្វាន់ដល់សិស្សានុសិស្ស និងផ្តល់ប័ណ្ណសរសើរដល់សិស្សដែលទទួលបាននិទ្ទេសល្អគ្រប់ៗគ្នា ហើយក៏បានឧត្ថម្ភថវិកាចំនួន១ ០០០ ០០០រៀល(១លានរៀល) ទៅដល់គណៈនាយកគ្រប់គ្រងសាលាផងដែរ៕
មតិយោបល់