បន្ទាយមានជ័យ: ស្ត្រីវ័យចំណាស់ម្នាក់ ត្រូវទទួលរងកម្មអកុសល បណ្តាលឱ្យស្លាប់បាត់បង់ជីវិតភ្លាមៗ នៅនឹងកន្លែងកើតហេតុ បណ្តាលមកពីរន្ទះបាញ់ ខណៈជនរងគ្រោះដោយធម្មជាតិរូបេះ ចេញទៅត្រងទឹកភ្លៀង តាមសំយ៉ាបផ្ទះរបស់ខ្លួន នាវេលាម៉ោង០៦:១០នាទី ល្ងាចថ្ងៃទី៣០ មេសា ២០១៦នេះ។

មន្ត្រីនគរបាល បានឱ្យ Post News ដឹងថា មានករណីរន្ទះបាញ់ បណ្តាលឱ្យមនុស្សម្នាក់ស្លាប់ នៅចំណុចក្រោយវត្ត រតនះម៉ាឡៃ ស្ថិតក្នុង ភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ខណៈជនរងគ្រោះ ចេញមកត្រងទឹកភ្លៀង នៅសំយ៉ាបផ្ទះ របស់ខ្លួន។ ជនរងគ្រោះឈ្មោះ ឡាង ឡៃ ភេទ ស្រី អាយុ ៥១ឆ្នាំ រស់នៅភូមិឃុំកើតហេតុ ខាងលើ ក្រោយពីធ្វើកុសលវិច្ឆ័យរួច សាកសព ត្រូវបាន មន្ត្រីមានសមត្ថកិច្ច ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕