ភ្នំពេញ: ក្រសួងការងារ និងបណ្តុះបណ្តាលវិជ្ជាជីវៈ អបអរសាទរចំពោះបេក្ខជនបេក្ខនារី ដែលបានទទួលជ័យលាភី ក្នុងកម្មវិធី សម្រស់ឯកវាយនភ័ណ្ឌ និងឆ្លៀតឱកាស អបអរសាទរខួបលើកទី១៣០ ទិវាពលកម្មអន្តរជាតិ នាពេលរាត្រី ថ្ងៃទី១ ឧសភា នេះ។

ក្នុងឱកាសនេះ លោក អ៊ិត សំហេង រដ្ឋមន្ត្រី ក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា៖ ” ខ្ញុំក៏សូមលើកទឹកចិត្ត ចំពោះបេក្ខជន បេក្ខនារី ដែលមិនបានទទួលជ័យលាភី ក៏កុំបាក់ទឹកចិត្ត ក្រសួង នឹងរៀបចំ ឱ្យមានកម្មវិធីនេះ នៅឆ្នាំក្រោយៗទៀត។ ក្នុងឱកាសនេះ ខ្ញុំសូមថ្លែងអំណរគុណ ចំពោះគណៈកម្មការរៀបចំកម្មវិធី និងដៃគូរសហការ ដែលមាន សមាគមរោងចក្រកាត់ដេរនៅ កម្ពុជា ស្ថានីយ៍ទូរទស្សន៍ PNN អង្គការសហជីព កម្មករនិយោជិត ព្រមទាំងសប្បុរសជននានា ផងដែរ “៕