ភ្នំពេញ: នៅថ្ងៃទី១៥ ខែវិច្ឆិកា ឆ្នាំ២០១៦ វេលាម៉ោង៧និង៣០នាទីព្រឹក កម្លាំងនគរបាលប៉ុស្តិ៍ច្បារអំពៅទី១ ខណ្ឌច្បារអំពៅ បានចាប់ខ្លួនជនសង្ស័យម្នាក់ តាមដីកាបង្គាប់ឲ្យចាប់ខ្លួនលេខ ៦៧៨ ដ.ឃ.ដ ចុះថ្ងៃទី ២៦ ខែកញ្ញា ឆ្នាំ២០១៦ ចេញដោយលោក ឆែ វីរ: ចៅក្រមស៊ើបសួររសាលាដំបូងរាជធានីភ្នំពេញ ពីបទអំពើលួចមានស្ថានទម្ងន់ទោស ដែលប្រព្រឹត្តនៅចំណុចផ្ទះលេខ ខ២ ផ្លូវ៣៧១ ភូមិព្រែក សង្កាត់ច្បារអំពៅទី១ ខណ្ឌច្បារអំពៅ កាលពីថ្ងៃទី ២៧ ខែមីនា ឆ្នាំ២០១១។ ប្រតិបត្តិការនេះ សមត្ថកិច្ចឃាត់ខ្លួនបានជនសង្ស័យ នៅចំណុចភូមិដើមម៉ាក់ក្លឿ សង្កាត់ច្បារអំពៅទី១ ខណ្ឌច្បារអំពៅ។

សមត្ថកិច្ចបានឲ្យដឹងថា ជនសង្ស័យមានឈ្មោះ មាស សំអឿន ភេទប្រុស អាយុ៣០ឆ្នាំ ជនជាតិខ្មែរ មុខរបរជាងជួសជុលរថយន្ត ស្នាក់នៅផ្ទះលេខ ង៥៦ ផ្លូវ៦៣៨ ភូមិដើមម៉ាក់ក្លឿ សង្កាត់ច្បារអំពៅទី១ ខណ្ឌច្បារអំពៅ។

បច្ចុប្បន្ន ជនសង្ស័យឃាត់ខ្លួនបណ្តោះនៅអធិការដ្ឋាននគរបាលខណ្ឌច្បារអំពៅ ដើម្បីចាត់ការទៅតាមផ្លូវច្បាប់ជាបន្តទៅទៀត៕