ភ្នំពេញៈ ស្ត្រីដែលជាជនអនាថាម្នាក់ ត្រូវបានគេប្រជាពលរដ្ឋប្រទះឃើញដួលសន្លប់តាមចិញ្ចើមផ្លូវ ដោយមានក្លិនស្រាជាប់ខ្លួនបង្កឲ្យមានការភ្ញាក់ផ្អើល ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ ។ ហេតុការណ៍នេះបានកើតឡើងកាលពីវេលាម៉ោង៨ និង៣០នាទី ព្រឹកថ្ងៃទី១៦ខែវិច្ឆិកា ឆ្នាំ២០១៦ ស្ថិតនៅចំណុចជាប់របងរោងចក្រក្រោន ស្ថិតតាមផ្លូវវ៉េងស្រេង ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុ បានឃើញស្រ្តីខាងលើបានដើរតាមចិញ្ចើមផ្លូវដោយមានសភាពស្រវឹងស្រាខ្លាំង លុះបានមកដល់ចំណុចខាងលើក៏ដួលសន្លប់បាត់ស្មារតីត្រូវបានប្រជាពលរដ្ឋរាយការណ៍ជូនសមត្ថកិច្ច និងអន្តរាគមន៍ហៅរថយន្តសង្គ្រោះ៧១១ មកដឹកយកទៅសង្គ្រោះនៅមន្ទីរពេទ្យលោកសង្ឃ៕