ព័ត៌មានជាតិ

លោក ឯក ឃុនដឿន៖ ប្រាក់ខែកម្មករ និងមន្ត្រីរាជការ នៅមានគម្លាតពីគ្នា

ភ្នំពេញ: លោក ឯក ឃុនដឿន បានមានប្រសាសន៍ថា ដោយសារប្រទេសជាតិមានការអភិវឌ្ឍន៍រីកចម្រើន ចំពោះអ្នកមានចំណេះដឹងផ្នែកបរិញ្ញាប័ត្រ និង មធ្យមសិក្សាមានកំណត់ជិត១លាន ដែលរៀនទៅតាមជំនាញ តែផ្ទុយពីប្រាក់បៀវត្សរបស់មន្ត្រីរាជការ និងអាជ្ញាធរនៅមានកម្រិតនៅឡើយ ដែលនេះគឺជាគម្លាតមួយ។ លោកមានប្រសាសន៍បែបនេះ ក្នុងឱកាសចូលរួមក្នុងកម្មវិធីសិក្ខាសាលាផ្សព្វផ្សាយប្រមូលអ្នកស្វែងរកការងារធ្វើនៅមូលដ្ឋានខណ្ឌទួលគោក។

កម្មវីធីនេះផ្តើមឡើងដោយទីភ្នាក់ងារជាតិមុខរបរ និង​ការងារ រួមសហការជាមួយសាលាខណ្ឌទួលគោក ក្រោមអធិបតីភាព លោក ឯក ឃុនដឿន អភិបាលខណ្ឌទួលគោក អភិបាលរង និង លោក អាំង ភារ: ប្រធានមជ្ឈមណ្ឌលការងាររាជធានីភ្នំពេញ មេភូមិទាំង១០សង្កាត់ នាព្រឹកម៉ោង៨ ថ្ងៃទី១៧ ខែវិច្ឆិកា ឆ្នាំ២០១៦។

មតិស្វាគមន៍ និងបើកសិក្ខាសាលាខាងលើ លោក ឯក ឃុនដឿន បានមានប្រសាសន៍ថា កំណើនថវិកានៃប្រាក់ខែរបស់កម្មកររោងចក្រចាប់តាំងពីឆ្នាំ១៩៩៧ ដែលមានចំនួន៣៥ដុល្លារ ធៀបមកដល់ឆ្នាំ២០១៦នេះ មានចំនួន១៦៥ដុល្លារក្នុងមួយខែ បូករួមប្រាក់ផ្សេងៗទៅតាមបណ្តារោងចក្រ។ កាលពីមុន ប្រាក់ខែរបស់កម្មកររោងចក្រមិនដល់១៦០ដុល្លារទេ ត្រូវបានគណបក្សមួយបានលើកយកមកឃោសនា និងមានការតវ៉ាមកដល់ក្រសួងការងារ និងបណ្តុះបណ្តាលវិជ្ជាជីវ: ស្ទើរមិនមានពេលទំនេរ។

លោក បានបន្តថា បើប្រៀបធៀបទៅប្រទេសភូមា ដែលមានប្រាក់ខែកម្មករតែ៧០ដុល្លារ ឱកាសការងារនាពេលខាងមុខមានការរីកចម្រើន សម្រាប់ប្រជាពលរដ្ឋខ្មែរមិនចាំបាច់ទៅធ្វើការងារជាពលករនៅប្រទេសជិតឆ្ងាយឡើយ។

ក្រោយពីការធ្វើបទបង្ហាញស្តីពីសេវាការងារសាធារណ: របស់លោក អាំង ភារ: ប្រធានមជ្ឈមណ្ឌលការងាររាជធានីភ្នំពេញ។ លោកអភិបាលខណ្ឌទួលគោក បានផ្តាំផ្ញើទៅដល់មេភូមិផ្សព្វផ្សាយ អំពីផលប៉ះពាល់ចំពោះពលករចំណាកស្រុកដែលមានបញ្ហាផ្សេង ប្រមូលអ្នកស្វែងរកសេវាកម្មការងារនៅក្នុងមូលដ្ឋានរបស់ខ្លួនគ្រប់គ្រង ព្រមទាំងអញ្ជើញឲ្យប្រជាពលរដ្ឋចូលរួមចុះឈ្មោះបោះឆ្នោតដែលនៅសល់តែ១២ថ្ងៃទៀតតាមការកំណត់៕

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

សិក្ខាសាលានៅទួលគោក

មតិយោបល់