បន្ទាយមានជ័យៈ អនុវត្តន៍តាមបញ្ជារបស់ព្រះរាជអាជ្ញារង នគរបាលខេត្តបន្ទាយមានជ័យ បានឃាត់ខ្លួនជនសង្ស័យម្នាក់ដែលបានប្រទូស្តកេរ្តិ៍លើក្មួយ បញ្ជូនទៅតុលាការ វិនិច្ឆ័យតាមផ្លូវច្បាប់។

នគរបាលការិយល័យព្រហ្មទណ្ឌ នៃស្នងការនគរបាលខេត្តបន្ទាយមានជ័យ បានឲ្យដឹងថា ជនសង្ស័យដែលត្រូវបានឃាត់ខ្លួនមានឈ្មោះ ថុង មន ហៅពៅ ភេទប្រុស អាយុ២២ឆ្នាំ ស្នាក់នៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ ពីបទប្រទូស្តកេរ្តិ៍ខ្មាស់លើអនីតិជនឈ្មោះ ត,ស,គ អាយុ០៤ឆ្នាំ ជាក្មួយថ្លៃ កាលពីខែសីហា ឆ្នាំ២០១៦ បន្ទាប់ពីឪពុកក្មេងស្រីជាបងថ្លៃបានយកទៅផ្ញើរអស់រយៈពេល៣ថ្ងៃ ហើយទើបកូនស្រីឈឺប្រដាប់ភេទ ហើយនិយាយប្រាប់ក៏ទៅដាក់ពាក្យបណ្តឹងទៅប៉ុស្តិ៍រដ្ឋបាលប៉ោយប៉ែត រហូតដល់ថ្ងៃទី១៧ ខែវិច្ឆិកា ឆ្នាំ២០១៦ តាមដីកាបញ្ជាឲ្យចូលខ្លួនលេខ១១៨៤ ចុះថ្ងៃទី១៧ ខែវិច្ឆិកា ឆ្នាំ២០១៦ និងបានអនុញ្ញាតឲ្យធ្វើការឃាត់ខ្លួន ជនសង្ស័យខាងលើ ដោយមានការសម្របសម្រួលពីលោក សុក កែវបណ្ឌិត ព្រះរាជអាជ្ញារងអបសាលាដំបូងខេត្តបន្ទាយមានជ័យ មកកាន់ស្នងការនគរបាលខេត្ត មុនបញ្ជូនទៅតុលាការ។

យោងតាមការធ្វើកោសល្យវិច័យរបស់គ្រូពេទ្យនៃមន្ទីរសុខាភិបាលខេត្ត បានបញ្ចាក់ថា កុមារីរងគ្រោះ ពិតជាបានទទួលរងនូវការប៉ះទង្គិចដោយវត្ថុរឹងទៅលើប្រដាប់បន្តពូជផ្នែកខាងក្នុងបង្ហាញថា មានការដាច់រហែកនៃសន្ទះព្រហ្មចារី។

តាមចម្លើយរបស់ជនសង្ស័យ មិនបានសារភាពថាខ្លួនបានប្រព្រឹត្តលើក្មេងស្រីនោះទេ ដោយខ្លួនស្រលាញ់ក្មួយដូចកូនបង្កើត ថែមទាំងបាននិយាយថា ឪពុកក្មេងស្រីមិនដែលត្រូវគ្នាជាមួយប្រពន្ធ តែងវាយធ្វើបាបធ្វើឲ្យប្រពន្ធទ្រាំរស់នៅជាមួយមិនបាន ក៏រត់ចោល និងធ្លាប់ចាប់បោះក្មេងស្រីរងគ្រោះទៅលើស៊ីម៉ុង និងធ្លាប់បោកក្បាលទៅនឹងទ្វាបន្ទប់។

ដោយផ្អែកតាមពាក្យបណ្តឹង និងដីការរបស់តុលាការ ជនសង្ស័យត្រូវបានបញ្ជូនទៅកាន់ តុលាការចាត់ការតាមផ្លូវច្បាប់រួចហើយ៕