ហ្វីលីពីនៈ ចាប់តាំងពីការទ្បើងកាន់តំណែងរយៈពេល ៦ ខែកន្លងមក របស់ប្រធានាធិបតីហ្វីលីពីន លោក Rodrigo Duterte ឃើញថាតួលេខនៃអ្នកស្លាប់បានកើនដល់ ៦.០០០ នាក់ហើយ ដោយសារសង្គ្រាមបង្រ្កាបថ្នាំញៀនរបស់លោក ដែលមានន័យថា ជាមធ្យមក្នុងមួយខែមនុស្ស ១.០០០ នាក់ ត្រូវបានសម្លាប់ ក្នុងប្រតិបត្តិការណ៍នេះ។ នេះបើយោងតាមរយៈ សារព័ត៌មាន Daily mail ចេញផ្សាយនៅថ្ងៃទី១៦ ខែធ្នូ ឆ្នាំ២០១៦។

ពាក់ព័ន្ធសង្គ្រាមបង្ហូរឈាមថ្នាំញៀននេះ លោក Duterte ធ្លាប់បានលើកទ្បើងថា លោក មិនត្រឹមតែជាអ្នកបញ្ជារឲ្យ​សម្អាតក្រុមឈ្មួញ​ជួញដូរគ្រឿងញៀន ក្នុងប្រទេសប៉ុណ្ណោះទេ ប៉ុន្តែលោកក៏បានចូលរួមបង្ក្រាប និងសម្លាប់ជនល្មើសក្នុងឧក្រិដ្ឋកម្មគ្រឿងញៀន ដោយផ្ទាល់ផងដែរ។

សម្រាប់គោលនយោបាយលោក Duterte នេះដែរ បានធ្វើឲ្យពិភពលោក កំពុងដាក់វិធានការ​ថ្កោទោស​ ប៉ុន្តែ​អ្វីដែលធ្វើឲ្យគេចាប់អារម្មណ៍​នោះ លោកបែរជាមិនមានការតក់ស្លុតអ្វីទ្បើយ ដោយឆ្លើយតបចំពោះរាល់អ្នកដែលបានរិះគន់ និងប្រមាថលោកនូវសម្ដី ៥ ឃ្លា ទៅកាន់សាធារណជនដូចជា ហៅសម្តេចប៉ា ថា​ជាកូនស្រីសំផឹង គំរាមកំហែងចាក់ចេញពី អង្គការសហប្រជាជាតិ បន្ទាប់ពីរិះគន់ថា ឆ្កួត​
ហៅអគ្គរដ្ឋទូតសហរដ្ឋ​អាម៉េរិកប្រចាំហ្វីលីពីនថា ជាខ្ទើយ​
និងហៅប្រធានាធិបតី​អាមេរិក លោក អូបាម៉ា ថា​ជាកូនស្រីសំផឹង ឬស្រីខូច​ ជាងនេះទៅទៀតថែមទាំងប្រៀបប្រដូចខ្លួនឯង ទៅនឹង​ ហ៊ីត្លែរ ក្នុងផ្លូវដ៏ល្អមួយទៀតផង៕