ភ្នំពេញៈ ហេតុការណ៍បោះគ្រាប់បែកស្ទាក់មុខរថយន្តលុចស៊ីសពាក់ស្លាកលេខភ្នំពេញ 2U-7352 កាលពីវេលាម៉ោង ៧ និង៤៨នាទីយប់ នៅទឹកដី ខណ្ឌចំការមន រាជធានីភ្នំពេញ ត្រូវបានគេបញ្ចេញវីដេអូឲ្យឃើញផងដែរ។

តាមរយៈឃ្លីបវីដេអូដែលត្រូវបានបញ្ចេញនោះបានឲ្យដឹងថា ជនសង្ស័យមានគ្នាពីរនាក់ ជិះម៉ូតូពីរគ្រឿង បានបោះគ្រាប់បែកមកលើថ្នល់ ក្រោយមកក៏រថយន្តលុចស៊ីសពណ៌សមួយគ្រឿងនោះ បើកមកដល់ រួចក៏ផ្ទុះតែម្តង បណ្តាលឲ្យរបួសមនុស្ស ០៣នាក់ និងរថយន្តនៅក្បែរនោះផងដែរ។

ជនរងគ្រោះ ឈ្មោះ ទី១ ឈ្មោះ ចាន់ វណ្ណី ភេទស្រី អាយុ៣៧ឆ្នាំ ជនជាតិខ្មែរ, ទី២ ឈ្មោះ មុីង ហុីវ អាយុ៣៨ឆ្នាំ ភេទប្រុស ជនជាតិវៀតណាម និងទី៣ ឈ្មោះ ដា មិនដ្រា ៣២ឆ្នាំ ភេទប្រុស ជនជាតិឥណ្ឌា ស្នាក់នៅផ្ទះជួល លេខ៤៥AE2 ផ្លូវ៣៥០ ម្តុំទួលស្លែង មុខរបរគ្រូបង្រៀនភាសាអង់គ្លេស របួសដៃស្តាំ ចង្កេះនិងច្រមុះ៕

https://youtu.be/-RHEidUzGYk

https://youtu.be/fxvBHePoALI

https://youtu.be/Byl8vn6blm8

https://youtu.be/9-yLlTWNPFA