សេចក្ដីរាយការណ៍មុននេះបន្តិច បានបញ្ជាក់ថាយន្ដហោះដឹកអ្នកដំណើរ៧២នាក់បានធ្លាក់នៅជ្រលងភ្នំមួយក្នុងប្រទេសកូឡុំប៊ី ដោយក្នុងនោះមានកីឡាកររបស់ក្រុម Chapecoense ផងដែរ។

ក្រុមប៉ូលិសបានរាយការណ៍មកទៀតថាបច្ចុប្បន្ននេះគេរកឃើញមានរស់រានមានជីវិតចំនួន១០នាក់ ហើយបានបញ្ជូនទៅកាន់មន្ទីរពេទ្យរួចរាល់ហើយដែរ។ ចំពោះហេតុការធ្លាក់នេះ ត្រូវបានគេសន្និដ្ឋានជំហានដំបូងមកហើយថាដោយសារយន្ដហោះមានបញ្ហាប្រេង ទើបធ្វើឱ្យម៉ាស៊ីនមិនអាចដំណើរការបាន។

សូមបញ្ជាក់ថានៅក្នុងមនុស្ស៧២នាក់នោះ មានកីឡាកររបស់ក្រុម Chapecoense ចំនួន៩នាក់ ប៉ុន្តែមិនទាន់អាចសន្និដ្ឋានបានថា៩នាក់នោះ នៅរស់ទាំងអស់ឬយ៉ាងណានោះទេ ព្រោះជនរងគ្រោះមិនទាន់ត្រូវបានកំណត់បាននៅឡើយ។

ក្រុមបាល់ទាត់ Chapecoense ធ្វើដំណើរតាមជើងហោះហើរនេះ ដើម្បីទៅចូលរួមប្រកួតពានរង្វាន់ South American football championship វគ្គផ្ដាច់ព្រ័ត្រជាមួយក្រុម Atletico National យប់ស្អែកនេះ៕