Pep Guardiola ថាក្រុម Manchester City លេងមិនអាក្រក់មើលខ្លាំងណាស់ណានោះទេ ក្នុងការប្រកួតដែលចាញ់ក្រុម Leicester City ៤-២ កាលពីយប់មិញនេះ។
Leicester City ពិតជាធ្វើបានល្អមែនទែនក្នុងការប្រកួតយប់មិញ ដោយយកឈ្នះក្រុម Man City បានដោយមិនពិបាកឡើយ ពោលគឺពួកគេអាចរកគ្រាប់បាល់បានតាំងពីដើមតង់ទីមួយមកម្ល៉េះ។ ដូចគ្នានេះដែរ លោក Pep អ្នកចាត់ការក្រុម Man City បានលើកឡើងដែរថាក្រុមរបស់លោកក៏លេងមិនអាក្រក់មើលខ្លាំងដែរ បើទោះជាចាញ់យ៉ាងនេះក្ដី ប៉ុន្តែពួកគេលេងបាល់ទាត់តាមរបៀបអ្នកលេងពិតប្រាកដ។
“ទេ ខ្ញុំមិនអស់សង្ឃឹមចំពោះកីឡាករខ្ញុំទេ។ អ្នកខ្លះបានប្រាប់ពួកគេ ពួកគេអ្នកលេងបាល់ទាត់អាជីព ពួកគេមានវ័យគ្រប់គ្រាន់ក្នុងការដឹង ហើយសង្ឃឹមថាពួកគេនឹងអាចកែប្រែបានទៅថ្ងៃអនាគត។ យើងដែលយើងត្រូវដោះស្រាយគឺយើងតែងតែរបូតគ្រាប់បាល់សឹងតែគ្រប់ប្រកួតទាំងអស់”។ សម្ដី Pep ។
ក្រុមមេឃខៀវ Man City ក្នុងការប្រកួតរដូវកាលនេះ ២២ប្រកួតមកហើយ ពួកគេតែងតែរបូតគ្រាប់បាល់ជានិច្ច ពោលគឺក្នុងចំណោម២២ប្រកួតនេះ មានតែ៣ប្រកួតប៉ុណ្ណោះដែលពួកគេអាចរក្សាទីមិនឱ្យក្រុមដៃគូស៊ុតបាន៕
មតិយោបល់