មានក្លឹបនៅលីគកំពូលចិនមួយ កំពុងតែព្យាយាមទិញយកកីឡាករ Zlatan Ibrahimovic ដោយឱ្យតម្លៃខ្លួនខ្សែប្រយុទ្ធវ័យជ្រេរូបនេះដល់ទៅ ១២០លានផោនឯណោះ ប្រសិនបើព្រមទៅលេងឱ្យពួកគេនៅប្រទេសចិនមែន។
ត្បិតតែឱ្យថ្លៃយ៉ាងនេះក្ដី ប៉ុន្តែកីឡាករខ្សែប្រយុទ្ធវ័យ៣៥ឆ្នាំរូបនេះ ហាក់មិនអើពើរនោះទេ ដោយរូបគេបែរជាបម្រុងបន្ដកុងត្រាជាមួយក្លឹប Manchester United ក្រោមការដឹកនាំរបស់លោក Jose Mourinho បន្ដទៀតទៅវិញ។ ដោយការបន្ដកុងត្រាថ្មីនោះ អាចនឹងធ្វើឱ្យរូបគេលេងនៅ Old Trafford រហូតដល់ឆ្នាំ២០១៨ខាងមុខនេះ។
ក្លឹបចិនដែលមិនទាន់បញ្ចេញឈ្មោះខាងលើនោះ ធ្លាប់បានដាក់សំណើរឱ្យ Zlatan ម្ដងមកហើយកាលពីរូបគេផុតកុងត្រាជាមួយ PSG ប៉ុន្តែត្រូវខ្សែប្រយុទ្ធរូបនេះបដិសេធមិនព្រមទៅ ហើយបែរជាចូលខ្លួនជ្រកកោនជាមួយក្រុម Man Utd វិញ។ យ៉ាងណាមិញ សំណើរទី២ដែលមានទឹកប្រាក់រហូតដល់១២០លានផោននេះ ក៏ហាក់ដូចជាមិនអាចអន្ទង់ចិត្តរបស់កំពូលកីឡាករពូកែក្បាច់ច្រើននេះដែរ៕
មតិយោបល់