ខ្សែប្រយុទ្ធ Carlos Tevez បានផ្លាស់ទៅលេងនៅលីគកំពូលចិនមែនទែនហើយ ដោយមានប្រាក់ឈ្នូលដល់ទៅ ៦១៥ ០០០ផោនឯណោះក្នុង១សប្ដាហ៍ ក្នុងកុងត្រារយៈពេល២ឆ្នាំរបស់គេ។
ដោយតម្លៃឈ្នួលនេះមានន័យថាខ្សែប្រយុទ្ធជម្រើសជាតិអាហ្សង់ទីនរូបនេះ ទៅលេងនៅក្លឹបShanghai Shenhua ក្នុងតម្លៃខ្លួនខ្ពស់បំផុត ពោលគឺលើសកីឡាករកំពូលៗនៅអឺរ៉ុបដូចជា Lionel Messi និង Cristiano Ronaldo ជាដើមទៀតផង។ ចំពោះប្រាក់ប្រចាំសប្ដាហ៍នេះ បើគិតឱ្យមែនទែនទៅ ពិតជាច្រើនសឹងតែមិនគួរឱ្យជឿមែនទែន ពោលគឺត្រឹមតែ១វិនាទី រូបគេរកបាន១ផោន ឬស្មើនឹង៥ពាន់រៀលលុយកម្ពុជាទៅហើយ។ ដូច្នេះ បើគិតដល់១រដូវកាលទៅ Tevez រកបានដល់ទៅ៣១លានផោនហើយ លើសនរណាៗទាំងអស់។
បើគិតឱ្យអស់មែនទែនទៅប្រាក់ឈ្នូលរបស់ Tevez ក្នុង១ថ្ងៃអាចទិញបានឡាន Porsche តម្លៃសមរម្យមួយបានទៅហើយ ខណៈត្រឹម១សប្ដាហ៍អាចទិញឧទ្ធមាគចក្របាន១គ្រឿង ហើយប្រាក់តម្លៃខ្លូននេះក៏អាចទិញបានកោះមួយផ្ទាល់ខ្លួនថែមទៀតផង៕
មតិយោបល់