ខ្សែបម្រើ Yaya Toure ត្រូវបានគេដឹងថាបដិសេធសំណើតម្លៃពលកម្ម ៤៣០ ០០០ផោនក្នុង១សប្ដាហ៍ ដើម្បីមានឱកាសបានបន្ដកុងត្រាលេងឱ្យ Manchester City បន្ដទៀត។
មួយរយ:ចុងក្រោយនេះ Toure ហាក់ដូចជាលេងត្រូវចិត្តជាមួយទម្រង់របស់លោក Pep វិញហើយ ដោយឃើញបានចូលលេងសឹងតែគ្រប់ប្រកួតវិញ ក្រោយពីសង្គ្រាមពាក្យសម្ដីរវាងអ្នកទាំងពីរត្រូវបានបញ្ចប់។ យ៉ាងណាមិញ ថ្មីៗនេះ ក៏មានដំណឹងមួយត្រូវបានបែកធ្លាយផងដែរ ដោយមានក្លឹបនៅចិនបានទាក់ទងគេទៅលេងឱ្យ ដោយដាក់តម្លៃពលកម្មខ្ពស់ដល់ទៅ ៤៣០ ០០០ផោនឯណោះក្នុង១សប្ដាហ៍ ខណ:ដែលកុងត្រារបស់កីឡាកររូបនេះនឹងផុតជាមួយក្រុម Man City នៅដំណាច់ឆ្នាំនេះហើយ។
ដូចគ្នានេះដែរ ឆ្លើយតបទៅនិងការចង់បានរបស់ចិន Toure បានបដិសេធចំពោះការផ្ទេរនោះទៅហើយ ដោយរូបគេបានបញ្ជាក់ថាមិនទាន់ចង់ចាកចេញទេ។ មួយវិញទៀត បច្ចុប្បន្នកីឡាករវ័យ៣៣ឆ្នាំរូបនេះនឹងប្រឹងប្រែងបន្ដទៀត ដើម្បីចង់បានកុងត្រាថ្មីនៅ Manchester City៕
មតិយោបល់