អ្នកប្រដាល់ចិត្តសឿង Manny Pacquiao បានប្រកាសថាខ្លួនហានឡើងសង្វៀនប្រកួតជាមួយConor McGregor ប្រសិនណាបើ Floyd Mayweather មិនហានសាកល្បងចូលប្រកួតជាមួយកំពូលអ្នកវាយក្នុងទ្រុងរូបនេះទេនោះ។
ការនិយាយបែបនេះធ្វើឡើងក្រោយពីមានលេចឮដំណឹងជាយូរមកហើយថា McGregor ចង់វាយជាមួយ Floyd ហើយអ្នកទាំងពីរនេះពិតជាអាចឡើងវាយបានប្រាកដមែន ប៉ុន្តែមកដល់ពេលនេះនៅមិនទាន់មានអ្វីកើតឡើងនោះទេ។ ត្បិតតែ Pacman ហានបោះសម្ដីយ៉ាងនេះមែន ប៉ុន្តែកីឡាករហ្វីលីពីនរូបនេះប្រកាន់ខ្ជាប់ថារូបគេឡើងវ៉ៃបានក្នុងប្រភេទកីឡាប្រដាល់ប៉ុណ្ណោះ មិនមែនជាការវាយ UFC អ្វីនោះទេ។
Pacquiao សរសើរចំពោះការប្រយុទ្ធរបស់ McGregor ចំពោះការវាយក្នុងទ្រុងរបស់គេ ប៉ុន្តែប្រសិនបើគេហានចូលសង្វៀនប្រកួតប្រដាល់វិញ នោះលោកមិនខ្លាចឡើយ។ នេះជាមតិផ្ទុយមួយពីកីឡាករមិនដែលចាញ់អាមេរិក Floyd ដែលមានលក្ខខណ្ឌទាល់តែមានតម្លៃខ្លួនគ្រប់គ្រាន់ទើបរូបគេឡើងវាយបាន។
យ៉ាងណាមិញ រឿងនេះកើតឡើងបានឬមិនបាន គឺអាស្រ័យទៅលើ McGregor ព្រោះរូបគេបាននិយាយថាចង់ប្រកួតតែជាមួយ Floyd ម្នាក់ប៉ុណ្ណោះ អ្នកប្រដាល់ផ្សេងទៀតដូចជាមិនមានពាក់ព័ន្ធនោះទេ៕
មតិយោបល់