ក្រុម Real Madrid បានឱ្យតម្លៃខ្លួន Dele Alli ចំនួន៥០លានផោន ទៅក្លឹប Spurs ដើម្បីធ្វើការផ្ទេរកីឡាកររូបនេះទៅអេស្ប៉ាញនៅរដូវក្ដៅខាងមុខនេះ។
Alli កំពុងតែឡើងជើងមែនទែន ក្រោយបង្ហាញខ្លួនបានជាប់ជម្រើស១១នាក់ប៉ុន្មានប្រកួតមកនេះ និងជួយឱ្យ Spurs ប្រដេញយកចំណាត់ថ្នាក់កំពូលតារាងជាមួយក្រុម Top4 ដទៃទៀត។ ដូច្នេះហើយកីឡាកររូបនេះត្រូវបានក្លឹបជាច្រើនចង់បាន ជាពិសេសម៉ូយដុំ Real Madrid តែម្ដង។
ក្លឹបអ្នកមាននៅអេស្ប៉ាញខាងលើនេះកំពុងតែជាប់បម្រាមទិញដូរកីឡាករដូច្នេះពួកគេត្រូវរង់ចាំដល់រដូវក្ដៅខាងមុខទើបអាចទិញដូរបាន។ យ៉ាងណាមិញ ត្បិតតែជាប់ដូច្នេះមែន ប៉ុន្តែក្រុមរបស់លោក Zidane បានដាក់តម្លៃខ្លួនទិញយករូចទៅហើយគឺ ៥០លានផោនទៅខាង Spurs ខណៈដែលចម្លើយយ៉ាងណានៅមិនទាន់ចេញជាផ្លូវការនោះទេ។
Real Madrid គឺជាម៉ូយដុំរបស់ Spurs តែម្ដង ដោយមួយរយៈមកនេះឱ្យតែកីឡាករណាល្អដឹងតែក្រុមនៅអេស្ប៉ាញខាងលើទិញយកហើយដូចជា Luka Modric និង Gareth Bale ជាដើម៕
មតិយោបល់