Real Madrid បានប្រមាញ់អ្នកចាំទី២នាក់គឺ Thibaut Courtois របស់ក្រុម Chelsea និង David de Gea របស់ក្រុម Manchester United មួយរយ:មកនេះ។
យ៉ាងណាមិញចំពោះដំណឹងរបស់ De Gea ហាក់ស្ងាត់បន្តិចហើយក្រោយពីលោក Jose Mourinho ចូលទៅដឹកនាំក្រុមនេះ ហើយទទួលបានលទ្ធផលគ្រាន់បើ។ ដោយឡែក Courtois របស់ក្រុម Chelsea វិញ បើទោះជាបានលេងជាប់រហូតមែន ប៉ុន្តែសាមីខ្លួនរូបនេះបែរជាមានចិត្តចង់ចាកចេញទៅវិញ។ ដោយកីឡាកររូបនេះធ្លាប់បានបញ្ជាក់ថាចង់ទៅលេងនៅអេស្ប៉ាញ ហើយក្លឹប Real Madrid អាចជាជម្រើសទី១របស់គេ។
បើយោងទៅតាមប្រភពក្នុងប្រទេសអេស្ប៉ាញមួយបានទម្លាយថាមានការជួបពិភាគ្សាគ្នាស្ងាត់ៗមួយរវាងភ្នាក់ងាររបស់ Real ជាមួយភ្នាក់ងារទីផ្សាររបស់អ្នកចាំទីខាងលើ។ ខណ:ដែលការផ្ទេរវិញក៏អាចនឹងទៅរួចដែរ ក្រោយពី Real Madrid រួចបម្រាមទិញដូរកីឡាករនៅរដូវក្ដៅខាងមុខនេះ។
Real Madrid ចង់បានអ្នកចាំទីថ្មីនេះ ក្រោយពីមើលឃើញថានៅពេល Keylor Navas មានរបួសទៅ គឺក្រុមទាំងមូលពិបាកខ្លាំងមែនទែន ដោយសមត្ថភាពអ្នកចាំទីដៃទី២របស់ក្រុមនៅមានកម្រិតនៅឡើយ៕
មតិយោបល់