ខ្សែប្រយុទ្ធ Pierre-Emerick Aubameyang មានជម្រើសដល់ទៅ៣ក្លឹបឯណោះ ដែលចង់បានរូបគេទៅលេង ក្រោយពីកីឡាកររូបនេះបញ្ជាក់ថានឹងចាកចេញពី Dortmund ហើយនៅរដូវក្ដៅខាងមុខ។
ក្រុមទាំង៣នោះ រូមមាន Real Madrid របស់អេស្ប៉ាញ Arsenal និង Manchester United របស់អង់គ្លេស។ ដោយក្លឹបទាំងអស់នេះបានទាក់ទងទៅកីឡាករផ្ទាល់រួចរាល់អស់ទៅហើយ នៅចាំតែចម្លើយចេញពីសាមីខ្លួននេះតែប៉ុណ្ណោះ។ យ៉ាងណាមិញ កីឡាករទើបតែឡើងជើងកាលពីរដូវកាលមុននេះ ធ្លាប់បាននិយាយហើយថារូបគេមានគោលបំណងមួយដែរក្នុងអាជីពបាល់ទាត់នេះ ដោយចង់ទៅលេងនៅអេស្ប៉ាញជាមួយ Real Madrid ដើម្បីសម្រេចបំណងជីតារបស់ខ្លួន។
Aubameyang ត្រូវបានគេចុះផ្សាយថាអាចទៅលេងនៅ Real Madrid នេះតាំងពីដើមរដូវកាលនេះមកម្ល៉េះ ប៉ុន្តែអ្វីគ្រប់យ៉ាងហាក់ស្ងាត់ទៅវិញ ក្រោយពីលោក Zidane បាននាំយក Morata ពីក្លឹប Juventus មកវិញ។ តែរដូវកាលថ្មីខាងមុខអាចមើលមិនឃើញដែរ ព្រោះក្រុម Real Madrid បច្ចុប្បន្នហាក់ដូចជាខ្សោយនៅតំបន់ប្រយុទ្ធច្រើន ក្រោយពីកីឡាករសំខាន់មួយចំនួនរបួសទៅ៕
មតិយោបល់