ក្រុម Chapecoense បានរកឃើញជ័យជម្នះក្នុងប្រកួតដំបូងរបស់ខ្លួនវិញហើយ ក្រោយពីជួបរឿងអកុសលធ្លាក់យន្ដហោះស្លាប់កីឡាករស្ទើរតែ១ក្រុមនោះ។
ដោយជ័យជម្នះនេះគឺយកឈ្នះក្រុម Inter de lages ក្នុងលទ្ធផល ២-១ ក្រោមក្រសែភ្នែកអ្នកគាំទ្ររាប់រយនាក់អមជាមួយទឹកមុខសប្បាយរីករាយលាយផ្សុំនិងទឹកភ្នែកផងដែរ។ ដោយការប្រកួតនេះគឺក្រុមនៅប្រេស៊ីលមួយនេះនាំយកកីឡាករចាស់ៗដើម្បីមកជួយក្រុមសិន ហើយក៏ទទួលបានលទ្ធផលល្អសម្រាប់រដូវកាលថ្មីតែម្ដង។
នេះគឺជាជំហានល្អមួយសម្រាប់ក្រុមក្នុងការកសាងឡើងវិញ ក្រោយពីធ្លាក់យន្ដហោះសម្លាប់កីឡាករអស់១៩នាក់ កាលពីខែវិច្ឆិកាឆ្នាំ២០១៦កន្លងទៅនេះ។ មួយវិញទៀតក្នុងការប្រកួតដំបូងរបស់ពួកគេនេះដែរ គេក៏បានឃើញមានអ្នកគាំទ្រច្រើនមែនទែន លើកបដាដើម្បីជាការលើកទឹកចិត្តដល់សមាជិកក្រុមដែលនៅសេសសល់ទាំងអស់ ប្រឹងប្រែងស្ដាមុខមាត់ក្រុមឡើងវិញ ទោះជាត្រូវប្រើពេលយូរក៏ មានអ្នកគាំទ្រចាំជួយជ្រោមជ្រែងដែរ៕
https://www.youtube.com/watch?v=fI3MuqNh2GQ
មតិយោបល់