Post News Media ព័ត៌មានកីឡា តា​បារាំង ​ថា...

តា​បារាំង ​ថា​គ្រាប់​ទី​១​របស់ Chelsea ​មិន​គួរ​ឱ្យ​នោះ​ទេ ព្រោះ​បង្ក​កំហុស

លោក Arsene Wenger ​អ្នក​ចាត់ការ​ក្រុម Arsenal ​ថា​គ្រាប់​បាល់​ទី​មួយ​របស់ Marcos Alonso ​មិន​សម​អាជ្ញាកណ្ដាល​ឱ្យ​នោះ​ទេ ​ព្រោះ​កីឡាករ​រូប​នេះ​បង្ក​កំហុស​ទៅ​លើ​ខ្សែ​ការពារ Hector Bellerin ​។

Arsenal ​បរាជ័យ​ ៣-១ ​នេះ ​បាន​ធ្វើ​ឱ្យ​ក្រុម Chelsea ​មាន​ពិន្ទុ​ដាច់​ទៅ​ហើយ ​ខណ:​ដែល​ការ​ចង់​លើក​ពាន​រង្វាន់​របស់​ក្រុម​តោ​ខៀវ ​ក៏​កាន់​តែ​ច្រើន​ឡើង​ហើយ ព្រោះ​ក្រុម​លេខ​២​និង​លេខ​៣​ដាច់​ពិន្ទុ​ឆ្ងាយ។ យ៉ាងណាមិញ ​លោក Wenger ​ដែល​មិន​បាន​ឈរ​បញ្ជា​កូន​ក្រុម​ព្រោះ​ជាប់​បម្រាម​នោះ ​បាន​បង្ហាញ​ចំណាប់​អារម្មណ៍​ចំពោះ​ការ​ប្រកួត​នេះ​ដែរ ​ថា​គ្រាប់​ទី​១​របស់ Chelsea ​មិន​គួរ​ឱ្យ​នោះ​ទេ។

តា​បារាំង​បាន​លើក​ដូច្នេះ​ថា Marcos ​រក​បាន​គ្រាប់​នោះ​ដោយសារ​តែ​រូបគេ​ឱ្យ​កែង​ទៅ​លើ Bellerin ​ទើប​អាច​មាន​ជំហរ​លោត​តែត​បាន​យ៉ាង​ស្រួល ​ខណ:ដែល​ខ្សែ​ការពារ​កាំភ្លើង​ធំ​វិញ ក្រោយ​ពី​ត្រូវ​មួយ​កែង​នោះ​ក៏​មិន​អាច​បន្ដ​ការ​ប្រកួត​បាន​ដែរ ​ដោយ​ត្រូវ​ប្ដូរ​ចេញ​ភ្លាម​ៗ។

យ៉ាងណាមិញ ​បើ​និយាយ​ពី​ការ​ប្រកួត​វិញ​ក្នុង​ដី​ខ្លួន​ឯង Chelsea ​ធ្វើ​បាន​ល្អ​មែនទែន  ដោយ​អាច​គ្រប់គ្រង​ស្ថានការណ៍​បាន រហូត​យក​បាន​ជ័យ​ជម្នះ​ក្នុង​លទ្ធផល ៣-១ ​៕