នេះគឺជារឿងសោកស្តាយមួយ សម្រាប់ក្រុមខ្លាំងរបស់អេស្ប៉ញ Atletico Madrid ដែលត្រូវបានជ្រុះចេញពីក្របខ័ណ្ឌកំពូលអឺរ៉ុប UEFA Champion League ត្រឹមវគ្គចែកពូលបែបនេះ ក្រោយពីលេងបានត្រឹមស្មើ ក្នុងដីក្រុមខ្លាំង Chelsea ។

ជាការពិតណាស់ នៅក្នុងពូល C នេះ ក្រុម AS Roma របស់អ៊ីតាលី បានចាប់ដៃគ្នាជាមួយក្រុម តោខៀវ Chelsea របស់អង់គ្លេស បន្តឡើងទៅលេងវគ្គ ១៦ក្រុម Champion League បន្តទៀត។ យ៉ាងណាវិញនោះ បើយើងមើលក្រុម អតីតរងជើងឯក​កាលពីឆ្នាំ ២០១៤ និង ២០១៦ កន្លងមក Atletico Madrid វិញ បានរបូតឱកាសឡើងទៅកាន់វគ្គបន្តហើយ ដោយត្រូវធ្លាក់ទៅលេងនៅ ក្របខ័ណ្ឌ Europa League វិញ។ ការជ្រុះចេញ នេះដែរ កើងឡើងដោយសារតែ Atletico Madrid លេងបានត្រឹមស្មើប៉ុណ្ណោ ជាមួយតោខៀវ Chelsea ១-១ ខណៈក្រុមចចក Roma វិញ បានយកឈ្នះក្រុម​ Qarabak ក្នុងលទ្ធផល ១-០ ។

យ៉ាងណាវិញនោះ Roma បានឈរកំពូលតារាង ដោយមាន ១០ពិន្ទុ ស្មើក្រុម Chelsea ស្របពេលដែល​ Atletico Madrid មានត្រឹម ៧ពិន្ទុប៉ុណ្ណោះ ជាហេតុធ្វើឲ្យ​ក្រុមអេស្ប៉សញមួយនេះ ត្រូវចាកចេញពីការប្រកួត UEFA Champion League ។ គួរបញ្ជាក់ផងដែរថា នេះគឺជាកាេយ៉ាងអន់បំផុត ក្នុងរយៈពេល ៤-៥ ឆ្នាំចុងក្រោយនេះ សម្រាប់ Atletico Madrid ដែលមិនអាចឆ្លងទៅកាន់វគ្គបន្ទាប់បាន ដែលក្រុមអេស្ប៉ាញ​មួយនេះ ធ្លាប់ធ្វើព្រុះធ្វើភ្លៀង នាពេលកន្លងមក។

ដូច្នេះហើយ ចាប់ពីវគ្គ ១៦ក្រុមចុងក្រោយទៅលែងមានក្រុម Atletico Madrid ទៀតហើយ ចំណែក Roma និង Chelsea ត្រូវបន្តយុទ្ធនាការណ៍ របស់ពួកគេបន្តទៀត។

https://www.youtube.com/watch?v=LxUFs8xSIFU

https://www.youtube.com/watch?v=rW_ZrDZqPjk