Post News Media ព័ត៌មានកីឡា កីឡាករ ​Leice...

កីឡាករ ​Leicester City ​នឹង​ត្រូវ​កាត់​លុយ បើ​សិន​ក្រុម​ធ្លាក់​ទៅ​លេង​លីគ​ទី​២

ក្រុម​ការពារ​តំណែង​ជើង​ឯក Leicester City ​កាន់​តែ​ខិត​ទៅ​ជិត​តំបន់​កាត់​ចោល​ហើយ ​ក្រោយ​ពី​ពួកគេ​ចាញ់​ប្រកួត​មក​នេះ ​រួម​ទាំង​ការ​ចាញ់ Manchester United ​៣-០ ​នា​ពេល​កន្លង​ទៅ​ថ្មី​ៗ​នេះ​ផង​ដែរ។

ទន្ទឹម​នឹង​លទ្ធផល​អាក្រក់​នេះ​ដែរ ​ក្រុម​របស់​លោក​ Claudio Ranieri ​នឹង​ប្រឈម​ជាមួយ​ការ​កាត់​ប្រាក់​ឈ្នួល ​ប្រសិន​ណា​បើ​ពួកគេ​ធ្លាក់​ទៅ​លេង​នៅ​លីគ​លំដាប់​ទី​២​នា​រដូវ​កាល​ក្រោយ​នេះ។ ក្រុម Leicester City ​ធ្វើ​បាន​ល្អ​ខ្លាំង​មែនទែន​រដូវកាល​មុន ​ដោយ​អាច​ឈ្នះ​ពាន​រង្វាន់​លីគ​កំពូល​អង់គ្លេស​បាន ​ហើយ​កីឡាករ​ទាំង​អស់​ក៏​មាន​ការ​តំឡើង​ប្រាក់​ឈ្នួល​ឱ្យ​ដែរ ​ថែម​ទាំង​មាន​ប្រាក់​លើក​ទឹក​ចិត្ត​ទៀត។

តែ​ក្រោយ​ពី​ការ​លើក​ពាន​នោះ​មក ​ក្រុម​ខាង​លើ​នេះ​ហាក់​ដូចជា​លេង​មិន​ទាន់​ស៊ី​ចង្វាក់​គ្នា​នោះ​ទេ បើ​ទោះ​ជា​កីឡាករ​ភាគ​ច្រើន​រដូវ​កាល​មុន​មិន​ចាកចេញ​មែន ប៉ុន្តែ​ទម្រង់​លេង​ខុស​ប្លែក​គ្នា​ឆ្ងាយ​ណាស់។ ក្រុម​ដែល​ធ្លាប់​តែ​ការពារ​និង​វាយ​បក​ខ្លាំង បែរ​ជា​ការពារ​ក៏​មិន​ល្អ ​ហើយ​ការ​វាយ​បក​ក៏​កាន់​តែ​មិន​ពិបាក​ទៅ​ទៀត។

គួរ​រំលឹក​ថា​រដូវ​កាល​នេះ ​លោក Ranieri ​បាន​ព្យាករណ៍​រួច​ទៅ​ហើយ​ថា​ក្រុម​របស់​លោក​គ្មាន​សំណាង​ដួច​ឆ្នាំ​មុន​នោះ​ទេ ​ដោយ​អាច​នឹង​មិន​បាន​ជាប់​សូម្បី​តែ Top10 ​ក្នុង​តារាង​ផង​៕