Luka ខ្សែបម្រើរបស់ក្រុម Real Madrid ត្រូវបានលោក Darijo Srna ចាត់ទុកជាកីឡាករលេងតំបន់បម្រើល្អជាងគេលើលោក ក្រោយពីរូបគេមានរដូវកាលល្អជាប់ៗគ្នាមក។
Modric បានឈ្នះពាន UEFA Champions League បាន២ដង ពាន FIFA Club World Cup ២ដង និង Copa del Rey ១ដង ចាប់តាំងពីផ្លាស់មកលេងនៅ Real Madrid តាំងពីឆ្នាំ២០១២មក។ កីឡាករវ័យ៣១ឆ្នាំរូបនេះ បានបន្តកុងត្រាជាមួយអធិរាជសរហូតដល់ឆ្នាំ២០២០ ហើយក៏បានជាប់ជា FIFPro World XI កាលពីខែមុនផងដែរ ។
ហេតុដូច្នេះហើយបានជាលោក Srna អតីតប្រធានក្រុមជម្រើសជាតិក្រូអាតដេលបានប្រកាសចូលនិវត្តន៍ក្រោយចប់ព្រឹត្តិការណ៍ Euro 2016 បានបញ្ជាក់ថាមានតែអតីតកីឡាករ Spurs នេះហើយ ដែលលេងនៅតំបន់បម្រើបានល្អបំផុត។
Modric ចូលលេងនៅឆ្នាំ២០១២ ដោយបង្ហាញខ្លួនឱ្យ Real Madrid បាន១២៦ប្រកួតមកហើយ រកបាន៨គ្រាប់ដែរ។ កីឡាករមាឌល្អិតរួបនេះក៏បានជាប់លេងឱ្យក្រុមជម្រើសជាតិក្រូអាតតាំងពីឆ្នាំ២០០៦ បង្ហាញខ្លួនបាន៩៥ប្រកួតនិងរកគ្រាប់បាល់បាន១១គ្រាប់៕
មតិយោបល់