នៅរដូវក្ដៅខាងមុខនេះ ក្រុម Real Madrid នឹងមានការប្រកួតលក្ខណ:មិត្តភាពជាមួយក្រុម FC Barcelona នៅរដ្ឋ Miami នាសហរដ្ឋអាមេរិក។
ដំណឹងនេះបានមកពី ESPN ដែលបានចុះផ្សាយ ខណ:ដែលការប្រកួតខាងមុខនេះគឺជាការប្រកួតក្នុងពានរង្វាន់ Tour មួយ ប៉ុន្តែមិនទាន់បានបញ្ជាក់ច្បាស់ថាមានប៉ុន្មានក្រុមចូលរួមនោះទេ។ តែអ្វី ដែលច្បាស់នោះគឺខាងអ្នករៀបចំកម្មវិធីបានត្រៀមខ្លួនរួចហើយសម្រាប់ការប្រកួតធំនេះ ដោយរំពឹងថានឹងមានអ្នកចូលរួមទស្សនាយ៉ាងច្រើនកុះករ។
នេះជារឿងកម្រណាស់សម្រាប់ក្រុម Real Madrid និង Barcelona ដែលប៉ះគ្នាក្នុងប្រកួតមិត្តភាព ព្រោះថាពួកគេទាំងពីរនេះតែងតែទៅប្រកួតមិត្តភាពនៅរដូវក្ដៅខុសៗគ្នារហូត។ ហើយប្រសិនបើលេងក្នុងពានតែមួយ ក៏ត្រូវបែងចែកជាពូលខុសគ្នាដែរ៕
មតិយោបល់