ក្នុងជំនួបវគ្គ ១៦ក្រុមចុងក្រោយនៃព្រឹត្តិការណ៍ World Cup ឆ្នាំនេះ ក្រុមមាន់គកបារាំង ត្រូវជួបក្រុមជើងខ្លាំងអាហ្សង់ទីន ដើម្បីស្វែងរកក្រុមណាមួយ ដែលត្រូវបន្តឡើងទៅកាន់វគ្គ ៨ក្រុមចុងក្រោយបន្តទៀត។
យ៉ាងណាវិញ ជំនួបរវាងក្រុមខ្លាំងទាំង២ នេះ ពិតជាធ្វើឲ្យមានការចាប់អារម្មណ៍មិនតិចឡើយ ខណ:អ្នកគាំទ្ររបស់ក្រុមទាំង២ សុទ្ធសឹងរំពឹងថា ក្រុមរបស់ពួកគេទទួលបានជ័យជម្នះ ដូចៗគ្នា។ ក៍ប៉ុន្តែ បើក្រឡេកមើលប្រវត្តិជួបគ្នារវាងក្រុមទាំង២ កន្លងមកនេះ យើងឃើញថា បារាំងហាក់មិនសូវធ្វើបានល្អឡើយ ពេលជួបអាហ្សង់ទីន។
ជាក់ស្តែងណាស់ ក្រុមទាំង២ ធ្លាប់ជួបគ្នារហូតដល់ទៅ ១១លើក ខណ:បារាំង ធ្លាប់ឈ្នះ តែ២លើកប៉ុណ្ណោះ រីឯអាហ្សង់ទីនវិញ ឈ្នះរហូតដល់ទៅ ៦ដង និងស្មើគ្នា ៣ដង។ តាមរយ:លទ្ធផលនេះបង្ហាញឲ្យឃើញថា បារាំងអាចពិបាកខ្លាំង ពេលជួបអាហ្សង់ទីនយប់នេះ ថ្វីបើបារាំង ប្រជុំទៅដោយ កីឡាករឆ្នើមៗក្តី តែអាហ្សង់ទីន ក៍មិនណយដែរ កីឡាករសុទ្ធសឹងល្បីៗដូចគ្នា ជាពិសេសខ្សែប្រយុទ្ធឆ្នើម Lionel Messi ជាកីឡាករសំខាន់ និងជាគ្រោះថ្នាក់បំផុតសម្រាប់បារាំងយប់នេះ។
គួរបញ្ជាក់ផងដែរថា បារាំង និងអាហ្សង់ទីន ត្រូវជួបគ្នា នៅវេលាម៉ោង ៩យប់នេះ ខណ:មួយគូទៀតនៅម៉ោង ១រំលងអាធ្រាត្រ អុយរ៉ាហ្គាយទទួលក្រុម ពរទុយហ្គាល់។
ខាងក្រោមនេះ ជាប្រវត្តិជួបគ្នារវាងក្រុមទាំង២ កន្លងមក៖
– ១១ កុម្ភ: ២០០៩ ជំនួបមិត្តភាព បារាំង ០-២ អាហ្សង់ទីន
– ៧ កុម្ភ: ២០០៧ ជំនួបមិត្តភាព បារាំង ០-១ អាហ្សង់ទីន
– ២៦ មីនា ១៩៨៦ ជំនួបមិត្តភាព បារាំង ២-០ អាហ្សង់ទីន
– ៦ មិថុនា ១៩៧៨ World Cup អាហ្សង់ទីន ២-១ បារាំង
– ២៦ មិថុនា ១៩៧៧ ជំនួបមិត្តភាព អាហ្សង់ទីន ០-០ បារាំង
– ១៨ ឧសភា ១៩៧៤ ជំនួបមិត្តភាព បារាំង ០-១ អាហ្សង់ទីន
– ២៥ មិថុនា ១៩៧២ Independence Cup អាហ្សង់ទីន ០-០ បារាំង
– ១២ មករា ១៩៧១ ជំនួបមិត្តភាព អាហ្សង់ទីន ២-០ បារាំង
– ៨ មករា ១៩៧១ ជំនួបមិត្តភាព អាហ្សង់ទីន ៣-៤ បារាំង
– ៣ មិថុនា ១៩៦៥ ជំនួបមិត្តភាព អាហ្សង់ទីន ០-០ បារាំង
– ១៥ កក្កដា ១៩៣០ World Cup បារាំង ០-១ អាហ្សង់ទីន
មតិយោបល់