ក្រុមហ៊ុនលក់សម្ភារ:កីឡាល្បីឈ្មោះ Nike បានបង្ហើបប្រាប់ថាកុងត្រារបស់ពួកគេជាមួយកីឡាករកំពូល Cristiano Ronaldo មានរហូតដល់១ពាន់លានដុល្លារឯណោះ។
Ronaldo បានបង្ហោះនៅលើបណ្ដាញសង្គមចំនួន ១ ៧០៣ដងនៅក្នុងឆ្នាំ២០១៦ ដោយគិតទាំង Facebook , Twitter និង Instagram ផង ដែលរូបគេមាន Fan រហូតដល់ទៅ២៦០លាននាក់នោះ។ ដោយក្នុងនោះអាចទទួលបានការចាប់អារម្មណ៍ដល់ទៅ ២,២៥ពាន់លាននាក់ឯណោះ នេះបើតាមការបញ្ជាក់របស់ Hookit ។
ក្នុងចំណោមការបង្ហោះទាំងអស់នោះ មាន Logo របស់ Nike ចំនួន ៣៤៧ ដង ដែលអាចនិយាយបានថាទទួលបានការចាប់អារម្មណ៍ចំនួន៤៧៧លាននាក់។ ខណ:ដែលការចាប់អារម្មណ៍ខ្លាំងជាងគេមួយក្នុងចំណោមទាំងអស់នេះ បានជួយក្រុម Nike រកបានដល់ ៥,៨លានដុល្លារនៅតាមបណ្ដាញអីនធើណែត។
ដូច្នេះហើយវិបសាយ Hookit បានឱ្យបន្ថែមថាសរុបជារូមទៅដោយគ្រាន់តែការបង្ហោះរបស់ Ronaldo ដែលទាក់ទងនិង Nike នេះ បានធ្វើឱ្យក្រុមហ៊ុននេះរកចំណូលបានដល់ទៅ ៤៩៩,៦លានដុល្លារអាមេរិក ដោយគិតត្រឹមតែឆ្នាំ២០១៦នេះ។
ដោយមើលឃើញពីផលចំណេញដូច្នេះហើយ បានជាក្រុមហ៊ុន Nike មានកុងត្រាជាមួយកីឡាករ Ronaldo រហូតដល់ទៅ១ពាន់លានដុល្លារឯណោះ ប៉ុន្តែមិនបានបញ្ជាក់ថាកុងត្រានោះមានរយ:ពេលប៉ុន្មាននោះទេ៕
មតិយោបល់