អាមេរិក: ថ្លែងក្នុងសន្និសីទសារព័ត៌មាន នៅទីស្នាក់ការអង្គការណាតូ ក្នុងក្រុងប្រ៊ុចសែល លោក Jim Mattis រដ្ឋមន្រ្តីក្រសួងការពារជាតិ កាលពីថ្ងៃព្រហស្បតិ៍ បានលើកទ្បើងថា អាមេរិកនឹងច្រានចោលកិច្ចសហប្រតិបត្តិយោធារវាងប្រទេសខ្លួន និងរុស្ស៊ី ដោយសារតែស្ថានការមិនសូវល្អនាពេលបច្ចុប្បន្ន។ នេះបើយោងតាមរយ:សារព័ត៌មាន BBC ចេញផ្សាយនៅថ្ងៃទី១៨ ខែកុម្ភ: ឆ្នាំ២០១៧។
លោក Mattis បានមានប្រសាសន៍ថា យើងមិនស្ថិតក្នុងជំហរមួយ ដើម្បីសហការផ្នែកយោធាជាមួយរុស្ស៊ីទេ ហើយ
ទំនាក់ទំនងរវាងប្រទេសទាំងពីរ បានឈានដល់ចំណុចទាបបំផុត ចាប់តាំងពីសង្គ្រាមត្រជាក់មក ដោយសារតែការចោទប្រកាន់រដ្ឋាភិបាលក្រុងមូស្គូថា បានពាក់ព័ន្ធនឹងការបោះឆ្នោតរបស់អាមេរិកកាលពីឆ្នាំមុន និងភាពគឃ្លើនរបស់រុស្ស៊ីទៅលើប្រទេសអ៊ុយក្រែន។
លោក Mattis បាននិយាយថា មុនពេលមានកិច្ចសហប្រតិបត្តិការយោធាជាមួយនឹងរុស្ស៊ី រដ្ឋាភិបាលក្រុងមូស្កូត្រូវបង្ហាញថា ខ្លួនអាចអនុវត្តស្របតាមច្បាប់អន្តរជាតិឲ្យបានសិន។
លោក Mattis បានធ្វើអត្ថាធិប្បាយដូច្នេះ បន្ទាប់ពីរដ្ឋមន្ត្រីការពារប្រទេសរបស់រុស្ស៊ី លោក Sergei Shoigu បាននិយាយថា រដ្ឋាភិបាលក្រុងមូស្គូ បានត្រៀមខ្លួនរួចរាល់ហើយក្នុងការស្តារកិច្ចសហប្រតិបត្តិការជាមួយនឹងក្រសួងការពារប្រទេសរបស់អាមេរិក៕
លោក Sergei Shoigu
លោក Jim Mattis
មតិយោបល់