Post News Media ព័ត៌មានកីឡា Wenger ​នឹង​ច...

Wenger ​នឹង​ចេញ​ពី Arsenal ​រដូវ​កាល​នេះ ​តើ​រូប​លោក​ពិត​ជា​ទៅ Barcelona ​មែន​ឬ?

ក្រោយ​ពី​ដឹក​នាំ​ក្រុម​មិន​ល្អ រង​ការ​មិន​ពេញ​ចិត្ត​ជា​ច្រើន​ពី​សំណាក់​អ្នក​គាំទ្រ​មក ​លោក Arsene Wenger ​បាន​បង្ហើប​ថា​អាច​នឹង​សម្រេច​ចិត្ត​ចាកចេញ​ពី Arsenal ​ហើយ​ក្រោយ​ពី​ចប់​រដូវ​កាល​នេះ។

ការ​បញ្ជាក់​ដូច្នេះ ​បាន​ធ្វើ​ឱ្យ​បណ្ដាញ​កាសែត​ធំ​ៗ​ជា​ច្រើន​បាន​ចុះ​ផ្សាយ​មិន​តិច​នោះ​ទេ ចំពោះ​ការ​ចាកចេញ​នេះ ដោយ​ខ្លះ​បាន​គិត​ថា​អ្នក​ចាត់ការ​សញ្ជាតិ​បារាំង​រូប​នេះ​អាច​នឹង​ទៅ​ដឹក​នាំ​ក្រុម FC Barcelona ​ផង​ក៏​មិន​ដឹង ​ឬ​ត្រលប់​ទៅ​ប្រទេស​បារាំង​វិញ។ ឆ្លើយ​តប​នឹង​រឿង​ទាំង​អស់​នេះ​ដែរ Mirror ​ដែល​បាន​ប្រភព​ច្បាស់​ពី​អ្នក​ស្និទ Wenger ​បញ្ជាក់​ថា​រឿង​ផ្លាស់​ទៅ​អេស្ប៉ាញ​គឺ​ពិបាក​ខ្លាំង​ណាស់ ត្បិត​អី​បុរស​ម្នាក់​នេះ​មិន​ចង់​ទៅ​ដឹក​នាំ​ក្រុម​នៅ​ប្រទេស​ទេ។

អ្វី​ដែល​ជា​គោល​បំណង​របស់​ Wenger ​គឺ​ចង់​ត្រលប់​ទៅ​ស្រុក​កំណើត​ប្រទេស​បារាំង​វិញ ​ដើម្បី​ចូល​និវត្តន៍​នៅ​ទី​នោះ​តែ​ម្ដង ព្រោះ​ថា​លោក​តែងតែ​រំពឹង​គិត​ដល់​ពេល​ជួយ​ក្រុម​នៅ​បារាំង​វិញ​ហើយ។ ដោយ​ឡែក​ចំពោះ​រឿង​កាល​ពី​មុន​ដែល​គេ​ចុះ​ផ្សាយ​ថា​រូប​លោក​អាច​នឹង​ទៅ​ដឹក​នាំ​ជម្រើស​ជាតិ​អង់គ្លេស​ឬ​ក្រុម Barcelona ​នោះ ​អាច​នឹង​មិន​កើត​មាន​នោះ​ទេ៕