Post News Media ព័ត៌មានកីឡា Amir Khan ​បដ...

Amir Khan ​បដិសេធ​រឿង​ប្រកួត​ជាមួយ Pacquiao ​មិន​ទាន់​ពិត​ដូច​គេ​និយាយ

អ្នក​ប្រដាល់​ដៃ​ធ្ងន់ Amir Khan ​បាន​ចេញ​មុខ​បដិសេធ​រឿង​ដែល​គេ​ចុះ​ផ្សាយ​ថា​ខ្លួន​បាន​ព្រម​ព្រៀង​ឡើង​ប្រកួត​ជាមួយ​កីឡាករ Manny  Pacquiao ​នៅ​ខែ​ឧសភា​ខាង​មុខ​នេះ​ហើយ។

កាល​ពី​ពេល​ថ្មី​ៗ​នេះ ​មាន​បណ្ដាញ​ផ្សព្វផ្សាយ​ជា​ច្រើន​បាន​ដាក់​ចំណង់​ជើង​យ៉ាង​ធំ​ៗ​ថា ​Khan ​បាន​ព្រមព្រៀង​ចុះ​កិច្ច​សន្យា​ឡើង​ប្រកួត​ជាមួយ  Pacquiao ​ដោយ​ទទួល​បាន​តម្លៃ​ខ្លួន​យ៉ាង​ខ្ពស់។ យ៉ាងណាមិញ ​ទាក់ទង​និង​រឿង​មិន​ពិត​នេះ​ដែរ អ្នក​ប្រដាល់​អង់គ្លេស​រូប​នេះ​បាន​ចេញ​មក​បដិសេធ​តែ​ម្ដង ព្រោះ​រូបគេ​មិន​ទាន់​បាន​ដឹង​រឿង​អ្វី​ឡើយ។ បើ​ទោះ​ជា​ខ្លួន​ចង់​ឱ្យ​មាន​ការ​ប្រកួត​នោះ​មែន ប៉ុន្តែ​រឿង​កុងត្រា​ច្បាស់ការណ៍​អ្វី​នោះ​មិន​ទាន់​មាន​ទេ។

“ខ្ញុំ​មិន​បាន​ដឹង​អ្វី​ទេ។ ការ​ចរចា​អ្វី​ក៏​មិន​ទាន់​កើត​មាន​ដែរ… ខ្ញុំ​មិន​អាច​ទទួល​យក​បាន​នូវ​អ្វី​ដែល​បណ្ដាញ​ផ្សព្វផ្សាយ​នោះ​ឡើយ ព្រោះ​វា​មិន​ទាន់​ជា​ការ​ពិត​នៅ​ឡើយ”។ សម្ដី​របស់ Amir Khan ។

សូម​បញ្ជាក់​ Pacquiao ​បាន​ចូល​ប្រឡូក​ក្នុង​វិស័យ​ប្រដាល់​វិញ​ហើយ ​ក្រោយ​ពី​បាន​ប្រកាស​ចូល​និវត្តន៍​បាន​ប៉ុន្មាន​ខែ​មក។ ខណ:​ដែល​ការ​ចូល​មក​ឡើង​សង្វៀន​វិញ​នេះ រូបគេ​នៅ​តែ​មាន​ចិត្ត​ចង់​សងសឹក​ជាមួយ Floyd ​ដដែល៕