ខ្សែប្រយុទ្ធ Luis Suarez បាននិយាយកុហកជាមួយប្រពន្ធរបស់ខ្លួន ចំពោះរឿងដែលខ្លួនខាំខ្សែការពារ Giorgio Chiellini កាលពីព្រឹត្តិការណ៍ FIFA World Cup 2014 ។
Suarez ត្រូវរងពិន័យ៤ខែសម្រាប់ការខាំខ្សែការពារ Chiellini កាលពីព្រឹត្តិការណ៍ FIFA World Cup 2014 ។ ដោយកាលពីគ្រានោះ ខ្សែប្រយុទ្ធខាងលើមិនបាននិយាយពាក្យពិតជាប្រពន្ធរបស់ខ្លួនឡើយ ដោយខ្លួនខ្លាចប្រពន្ធមិនសប្បាយចិត្តចំពោះការពិន័យទាំងនេះ។
“វាគឺជារឿងឈឺចាប់ណាស់ កូនៗរបស់ខ្ញុំតែងតែសួររឿងនេះ ថាហេតុអ្វីបានជាខ្ញុំមិនចូលលេងបាន។ ខ្ញុំពិតជាឈឺចាប់ណាស់ ព្រោះវាគឺជារឿងមួយដែលមិនសមកើតឡើង។ ខ្ញុំបានកុហកប្រពន្ធខ្លួនឯង ព្រោះនាងបានសួរខ្ញុំ ហើយខ្ញុំបានបដិសេធចំពោះរឿងនោះ។ ខ្ញុំមិនចង់ឱ្យនាងពិបាកចិត្តទេ”។ សម្ដីរបស់ Suarez ។
ចំពោះរឿងខាំគេនេះដែរ ខ្សែប្រយុទ្ធជម្រើសជាតិអ៊ុយរុយហ្គាយខាងលើ ត្រូវបានសហព័ន្ធបាល់ទាត់អន្តរជាតិពិន័យរហូតដល់៤ខែឯណោះពីបាល់ទាត់ ហើយចំពោះជម្រើសជាតិវិញពិន័យមិនឱ្យចូលលេងចំនួន៩ប្រកួតផងដែរ៕
មតិយោបល់