ក្រុមចិន បានយកឈ្នះលើក្រុមខ្លាំងកូរ៉េខាងត្បូងក្នុងលទ្ធផល ១- ០ នាការប្រកួតវគ្គជម្រុះជុំចុងក្រោយពានរង្វាន់ FIFA World Cup 2018 នៅប្រទេសរុស្ស៊ី។
ដោយជ័យជម្នះនេះដែរ បានធ្វើឱ្យក្រុមចិន ហាក់មានដង្ហើមដកនៅឡើយទេ ពោលគឺពួកគេនៅមានឱកាសឡើងទៅវគ្គបន្ដបាន ក្រោយពីក្រុមកំពូលតារាងសុទ្ធតែបរាជ័យកាលពីយប់មិញនេះ។ ដោយចិនយកឈ្នះកូរ៉េខាងត្បូង ១-០ ខណ:ដែលសិរីបានយកឈ្នះលើក្រុមអូប៉េគីស្ថាន ១-០ ដូចគ្នា។ តាមលទ្ធផលនេះ បានបង្អាក់ដំណើររបស់ក្រុមកូរ៉េនិងអូប៉េគីស្ថាន ហើយក៏បានផ្ដល់សង្ឃឹមឡើងវិញដល់ក្រុមចិនផងដែរ ដែលកំពង់តែតាមពិន្ទុពីក្រោយ។
ក្រុមចិនបច្ចុប្បន្ននេះ មាន៥ពិន្ទុក្នុងដៃ ខណ:ដែលក្រុមសិរីមាន៨ពិន្ទុ ក្រុមអូប៉េគីស្ថានមាន៩ពិន្ទុ ក្រុមកូរ៉េខាងត្បូងមាន១០ពិន្ទុ និងក្រុមអីរ៉ង់មាន១៤ពិន្ទុឈរកំពូលតារាង ក្រោយពីឆ្លងកាត់ការប្រកួត៦ប្រកួតមកនេះ។ ដោយការប្រកួតនៅសល់ដល់ទៅ៤ប្រកួតទៀតនោះ ដូច្នេះក្រុមទាំងអស់នៅមិនទាន់ប្រាកដថានរណាបានឡើងទៅឬធ្លាក់ចេញនោះទេ ដោយមានតែក្រុមបាតតារាងកាតាមួយគត់ដែលអស់ឱកាសទៅហើយ។
មតិយោបល់