ព័ត៌មានកីឡា

Dybala ខ្ញុំមិនមែនជា Meesi ថ្មីឡើយ

Paolo Dybala តារាបាល់ទាត់សញ្ជាតិអាហ្សង់ទីន វ័យ​ ២៣ឆ្នាំ បានបដិសេធថា រូបគេមិនមែនជា Lionel Messi ថ្មីឡើយ។

បន្ទាប់ពីការបង្ហាញនូវទម្រង់លេងយ៉ាងល្អ ជាមួយនឹងក្លឹបសេះបង្កង់ Juventus កីឡាករវ័យក្មេង កំពុងមានឈ្មោះ បោះសម្លេង និងត្រូវបានគេប្រដូចថា ជាកំពូលខ្សែប្រយុទ្ធ Lionel Messi ថ្មី នាពេលបច្ចុប្បន្ននេះ។ យ៉ាងណាវិញនោះដែរ Dybala បានចេញមុខមកបដិសេធថា រូបគេមិនមែនជា Messi ថ្មីឡើយ ព្រោះសមត្ថភាពរបស់គេ មិនដល់ Messi​ ដែលជាកំពូលកីឡាករឆ្នើមនៅលើពិភពលោក។

Messi បានឈ្នះពានរង្វាន់ជាច្រើនជាមួយ Barcelona ដូចជា Champion League, Laliga និង​ ពានរង្វាន់មួយចំនួនទៀត។ ចំណែក Dybala មិនទាន់ទទួលជោគជ័យ ដូច Meesi នៅឡើយទេ ព្រោះថាគេនៅក្មេងខ្ចី បទពិសោធន៍តិច ពុំទាន់មានសមត្ថភាពគ្រប់គ្រាន់នៅឡើយទេ។ ជាការពិតណាស់ Dybala និង Messi គឺជាមិត្តរួមក្រុមនឹងគ្នា នៅក្រុមជម្រើសជាតិអាហ្សង់ទីន ដោយពួកគេទាំងពីរ ធ្លាប់បានបំពេញភារកិច្ចយ៉ាងល្អជាមួយគ្នា។

នៅពេលដ៏ខ្លីខាងមុខនេះ Dybala និង Messi នឹងត្រូវជួបគ្នាម្តងទៀត សម្រាប់ការប្រកួត UEFA Champion League វគ្គ៨ក្រុមចុងក្រោយ ពួកគេនឹងត្រូវប្រឈមមុខដាក់គ្នាក្នុងនាមជាគូសត្រូវ៕

មតិយោបល់